اقتباس:
المشاركة الأصلية كتبت بواسطة شرود ذهن
رساله جداً مؤلمه
ب النسبه لي شئ عادي جداً لكن وش اقول للوالده واخواني
اقسم بالله مستحي منهم كل م جيت بقول للوالده اتردد
عارف ان صدرها بيضيق =(
وآخواني اللي حطوا املهم فيه ومن اول يوم في التقديم
ينادوني ي الضابط ي الضابط
ب الله وش اقول لهم
تكفون ي عالم ساعدوني اقسم ب الله ي آنا مكان م انحسد عليه
بكره الكل بيعرف اني مكروش وبيتشمتون فيني .. مايهمني
المهم ووالدتي واخواني =(
لو تعرفون ايام التقديم طلعت من مكه للرياض وخسرت امي اكثر من 2000 ريال
مابين رحلات وفندق واكل وشرب
اقسم ب الله قلبي م عاد يستحمل حتى الحرس كرشوني
حسبي الله ونعم الوكيل |
ياخوي الموضوع مايوصل لهالمرحله والدعوه سهاله بس أنت مكبرها براسكـ
أول شي وانا أخوك لآزم تؤمن ان هذه ارزاق يقسمها الرحمن وممكن يكون عدم قبولك خيره ولله فيها حكمه ممكن الله صرفك عن شر !!
مين يدري ممكن تكون لكـ فيها خيره وربي يعوضكـ خير منها الف الف مره بس استهد بالرحمن وتوكل على الله والنصيب مو متوقف ع عمل معيين
أو مكآن معين مجالات الحياة كثير !! انت ازرع في نفسك التفاؤل بعد الاتكآل ع الله وصدقني راح تتيسر امورك
اما عملية انكـ خجلآن من الوالدة الله يخليها لكـ أو أخوانكـ وصعبان عليك تقول لهم فهذا أكبر غلط
خذ الموضوع ببساطه وخبرهم بكل ارييحيه وبعدين عدم قبولكـ مو عيب أو تقصير منك
هذه آليية اختيار تتم بطريقه معينه وحسابآت معقده وقد يدخل ايضاً عامل الحظ وقد تدخل فيها الواسطه وقد وقد وقد ..
ابداً اقترح عليكـ تقبل رآس الوالده وتخبرها وخذ الموضوع ببساطه وتأكد ان عدم قبولك
في العسكريه لآ يعني نهاية مستقبلك وكذلك أنت مو الوحيد اللي ما انقبل ولآ انت الوحيد اللي خسر
فيه غيرك الشخص اليتيم اللي حصل ع مصروف رحلته لرياض سلف من أهل الخير وبالتآلي ما أنقبل ..
الله يوفقكـ اخوي ويسهل امرك ويعوضكـ بخيراً منها