صحيح كلامك بس صدقني الخير في امتي إلى ان تقوم الساعه كذا قال الرسول صلى الله عليه وسلم
ومازال في المجتمع نماذج ماتهمها هالشكليات
بأقول لك شي واقسم بالله اني صادقة بكل حرف
زوجي قبل يتقدم لي حاولو كثييييييييير يثنوه ع الزواج بي تدري ليش
عشان هالشكليات إلي قلت عنها
يقولون ماراح تقبل فيك وليش تحرج نفسك وهي جامعية وانت مامعك إلا شهادة ابتدائي
هي عايشة بمدينة وانت من عيله فقيرة وبقريه
انت بالجيش ورواتبهم متدنية ومستحيل تقبل فيك بنت الناس
و و و و و غير امور اخرى شكليه مااحب اتكلم فيها
والله العظيم هالكلام قاله لي زوجي بعد الزواج
والحمدلله ارتبطت فيه وماأبدله برجال الدنيا ولتذهب الشكليات إلى الجحيم
وازيدك من الشعر بيت مهري 10000 ريال قضيت منه والله شاهد ع كلامي ب5000 ريال وخليت 5000 ريال عشان نجيب فيها الاجهزة الكهربائية للبيت والله ع مااقول شهيد
والحمدلله مبسوطه معه ( دعواتك لي بالذرية )
لاتتشائم ياخوي
بنات الحلال واجد انت اتكل على الله واسأل وخل اخواتك يساعدوك وادعي واستغفر وبإذن الله ربي ييسر لك وترتبط بعروس ماعمرك حلمت فيها
الله يوفقك في مسعاك يارب
والله الجمال جمال الروح والقلب والدين وإلي تحبه والله تشوفه احلى واوسم واحد بالدنيا
وماعليك بالناس إلي تهز ثقتك بنفسك
ولازم تكون نظرتك لذاتك راضيه وقابله ولازم تكون عندك ثقة بنفسك
زيادة الوزن له علاج حاول تنزل وزنك عشان صحتك اولآ واخيرآ
وكثف جرعات الاهتمام لذاتك وحب نفسك كما هي ومن حب الانسان لنفسه الاهتمام بها
الله يوفقك ويزوجك البنت إلي تسر خاطرك