وش فايدة العد ونعرف كم تخرج وكم ماتخرج دام مافيه صوت يعلى من جهتنا ؟!!
نبي نرفع صوتنا ونسمعهم غصبن عنهم
خذو القصه الي تزيدني قهر كل ماتذكرها
في شهر 5 روحنا مجموعه لديوان الخدمه المدنيه في الرياض
ورفضو يدخلونا على الوزير كلنا ومادخلو من الا اثنين بس
ولما دخلو عنده لقيو منه اخلاق تجاريه وكأننا نشحده وظيفه او أن الوظائف ورواتبها من جيبه ؟
والكلمه الي قالها واحرقتني لو ماتنجحون في قياس مافيه تعيين لكم !
وش المهزله ذي ؟
كل شيء مرتبط بقياس ؟
بكره لو ابغى اتزوج لغير ماستبعد انهم يقولون لازم تنجح في قياس حتى نسمحلك تتزوج ؟!
يا اخوان والله ان احنا نعيش في ذل وطلباتنا ماهي مستحيله
كل الي نبغاه توظيف . نبغى نعز انفسنا بالراتب وانتزوج ونستر انفسنا ونعفها عن الحرام
فينا الي تعبان ويبغى يتعالج في الخارج وماعنده القدره الماديه
فينا المديون الي يحتاج يتوظف عشان يسدد دينه
لكن قياس احرمنا من هذه الامور كلها وعقدلنا حياتنا اكثر من اول
وللاسف الشديد ماحد مهتم لنا
وانا لدي رغبه كبيره وفيه مجموعه من الخريجين مثلي في مظاهره نطالب فيها بإلغاء قياس
والتوظيف الفوري لكل التخصصات حتى ناخذ حقوقنا بدال المهزله ذي .
فالي يرغب ينظم معنا يرسلي رساله خاصه فيها ايميله
اعذروني على الشطحه ذي لكن الله لايلومني مغبون ومقهور
وقهر الرجال يذبح