ياحبي لكم يابنات الله يسعدكم على هالتجمع ويوفقكم ويرزقكم بالتوجيه اللي تتمنونه
خلونا كذا دايم مع بعض وقلوبنا متكاتفة
عمر الاختلاف لا يفسد للود قضية عادي نختلف ونتناقش على نقطة معينه
بس الأهم ما نهاجم بعضنا ونعطي فرصة للي يصطادون في المويه العكرة
و الدخلاء اللي هدفهم يستهترون فينا ويتلاعبون في أعصابنا
خلونا ندعم المواضيع الهادفة زي هذا الموضوع وأغلب مواضيع فتاة الشرقية
الله يرزقها على قد نيتها وحبها للخير ويسخر لها ولنا ولجميع بنات المسلمين
موضوع زي هذا جاء في وقته نكنب فيه ونتناقش ونسأل واللي عندها معلومة تقولها
وان شاء الله الفرج قريب وربي بيفرح قلوبنا بالاخبار اللي تسرنا
وأغلب التوقعات ان يوم 19 بالليل أو صباح 20 بينزل توجيهنا وبندل بعضنا على الإجراءات اللي نسويها
وكل ادارة تعليم نبحث عن موقعها ومكتب الاشراف والمدرسة اللي توجهنا لها نسأل عنها
ونطلع على خرائط قوقل وكل وحدة تكتب وش صار معها
عشان كذا ودي هذا الموضوع يصير تجمع لنا ومرجع لكل البنات بمختلف الادارات
ومشكورة لكل وحدة مابخلت علينا بمعلومة او فائدة
ولك ياعين ابوي على نقلك للخبر والله انك دخلتي على قلبي السرور الله يسعدك
والشكر لصاحبة الموضوع