موظفة تبع ديوان الخدمة بالمدينة المنورة كلمتها وانا شايشة واخلاقي بخشمي اخاصم عشان وحدة ترشحت إداري اقل مني في منطقة انا اخترتها ..مع انو ما ابغى اداري الموهيم الآدمية ذوق قالت اختي اعطيني سجلك اعطيتها قالت بياناتي ونقاط اخر وحدة ترشحت تعليمي واداري وطلعت اللا ترشحت اعلى مني بكسور بس نقاطها اللا اعلنوا عنها غلط ..انا شكيت وما صدقتها بعدين قالت جاي الخير كتير استبعاد واعتذار اداري وتعليمي ما حيطلبوا بدالهم الا بعد التوجيه وقالت حتنزل دفعات اداري وتعليمي بعد شوال وفعلا لما نزلت الدفعة التاسعة صدقت كلامها سألتها عن الاحتياج قالت في وحينزل ومالو علاقة بالمكرمة يعني ما حيكون قليل حيكون كالعادة ...سألتها متى قالت بعد ما تنتهي المكرمة وبعد ما ينتهي شغل وزارة التربية والتعليم ...سألتها متى قالت لسى الوزارة ما بدأت شغل وما استلمت حاجة بس جاية دفعات ابشري بالخير