تدرون يابنات ان فرصتنا في التعيين بمدارس مواقعها زينة أكبر من أي سنة

لأن النقل هالسنة كثير ولا تنسون التقاعد كل سنة يكون كمية لا بأس بها

يعني مثلا المدرسة اللي بقرية قريبة وسهل طريقها احتمال يجي تعيينا فيها

وحتى المدن بعد فيه كمية كبيرة من المعلمات نقلو وحنا اللي بنحل مكانهم

تصدقون فيه مدرسة بالخرج نقل منها 7 معلمات وتقاعد 2 وما بقى فيها الا 3 معلمات بس

طبعا الجدد هم اللي بيسددوو مكانهم

ولو توظفنا في مدرسة بيكون عدد الجدد أتوقع من 3إلى 5 هذا اذا ما صار أكثر

يعني الوحدة ماراح تقلق انها جديدة وماخذت على الجو

وبعد فيه نقطة بعض المدارس من سبق لبق يعني المعلمة القديمة تاخذ اللي تبيه

من مناهج ومكتب وفصل كويس ومكان بالغرفة وغيره

والجديدة الضعيفة تجي مستحية ولا تلقى مكان ولا مكتب طبعا قريت هالشي من مسلسل العام الماضي

أتوقع هالسنة مايصير معانا كذا

وبعد بالنسبة للمناهج الكل يتنحش من بعض المواد

أتوقع بيكون لنا مجال لاختيار الصف أو المادة اللي نقدر نبدع فيها

حتى الابتدائي عندهم مميزات للصفوف الأولية وكل المعلمات يتسابقون عليها

حتى المدرسة اللي قلت لكم نقل منها 7 أغلبهم صفوف أولية

يعني نقدر نحصل على هالمميزات للي مرحلتهم ابتدائي

أدري بتقولون أول شي خل نعرف وين بنحط روسنا وين بيوجهونا بعدين نفكر في هالأمور

بس وش أسوي جتني هالهواجس وقلت اسولف عليكم