السلام عليكم ورحمة الله وبركاته



اسأل الله لكم التوفيق وتيسير الأمور



شباب مدري انتم متابعين موضوع الجامعيين ولا لا


لكن انا من الجامعيين السنة اللي راحت وتخرجنا ولله الحمد



عندي لكم نصايح وانا ادري اغلب اللي ينقبلون في الكلية يكون مهو أول واحد في العائله ينقبل وعنده خبره في الكلية


لكن ابي منكم دعوه وان شاء الله تستفيدون منها


اولا شباب خلوكم رجال وان شاء الله انكم رجال لكن والله اني سمعت اكثر من 30 واحد انحاشوا من الكلية لو اني جايهم قبل الدوره قالوا معليك حنا رجال وقدها

لكن تذكروا انكم هنا في الكلية عشان شيئين :

- اولا تعف نفسك عن الحاجه وعن سؤال الناس ويكون راتبك يغنيك عن الناس

- ثانيا تفرح امك وابوك وترفع روسهم ويفتخرون فيك


الشي هذا يقهرني اقسم بالله يوم اسمع ان فلان انحاااش لأني اعرف ان ابوه ما خلا احد ما كلمه وبعضهم يبيع وجهه من كثر ما يدخل على فلان وعلان وفي الاخير الاخ هذا ينحاش من الكلية بكل بساطة بعد كل هالتعب والضغط النفسي على ابوه



اسأل الله ان يوفقكم ويرزقكم من واسع رزقه ويغنيكم بحلاله عن حرامه


وتقبلوا نصيحة اخوكم بصدر رحب