وعليكم السلام ورحمة الله وبركاته

ياقلبي عليك والله دمعت عيوني وبكيتيني

إصبري ياقلبي أجرك عند ربك ومهما صار من أمك صدقيني هي ماتكرهك هي فترة وتعدي بس يمكن في البداية هي تحاول تضغط عليك حتى ترجعي له لكن إنت ماسمعتي لها فبس ماخذه على خاطرها
مافي أم تكره حتى لو تهاوش أو تضرب

هي فترة وراح تهدأ لكن إنت لا تردي عليها بالكلام والعصبية إسكتي واصبري ولاتستفزيها إحتسبي الأجر
خذي أبوك لوحدكم وإتكلموا قولي له كل اللي بقلبك إبكي قدامه
قولي له لاتقسى على بنتك علشان ولد الناس
إدخلي على أمك وبوسي رأسها ويدها وإطلبي منها الرضا حنني قلبها عليك

إدعي ربك يفرج همك
لو جاك خطيب وكان كفو ورجال وعلى دين وأخلاق وافقي حتى لو متزوج إيش المشكلة إنت لس صغيرة ياقلبي ومو كل التعدد شين فيه أزواج كفو ويعدلون بإذن الله

لو عندك أخو متفهم وعاقل كلميه حتى لو تبكي قدامه خليهم يحننوا قلب أمك عليك إنت بنتهم ماينفع يضحوا فيك ويعذبوك كذا علشان ولد خالتك
ولد خالتك راح يتزوج ويعيش حياته يعني إنت مارح توقفيها له
فالمفروض مايوقفوا حياتك بسببه

لو تقدري كلمي خالك وقولي له يتكلم مع أمك بشكل غير مباشر لايخبرهم إنك شكيتي له
خليه يبين لهم إن ولده خلاص مرتاح ومايبيك فلا يقسوا عليك علشانه وهو عايش حياته

لاتحبسي بقلبك كذا فضفضي لهم خليهم يحسوا بألمك لكن خذي كل واحد على جنب لاتتكلمي قدامهم وهم مجتمعين حتى مايكابروا
لو أخذتيهم على جنب راح يحسوا بكلامك أكثر

حياتي إنتبهي لنفسك ولدراستك ولاتخلي هالشيء يأثر عليك شدي حيلك حتى تتخرجي ووتوظفي إن شاءالله لاتضيعي دراستك الوظيفة بهالزمن أمان لك بعد الله الواحد مايدري إيش يصير عليه

مارح أنساك من دعائي بإذن الله
ربي يفرج همك يالغلا