اقتباس:
المشاركة الأصلية كتبت بواسطة أم غزل
اخواتي نكون واقعين ولاوحدة فينا كانت تحلم بالوظيفة وانا أولكم لما وصلتني رسالة مطابقة البيانات كنت افكر انها بالخطأ وصلتني ولااهتميت اتاكد من الرساله وادور على اسمي يالين ماخبروني اهلي واصدقائي وباركولي وكنت اقول لهم ترى هذا ماهو ترشيح نهائي اكيد ماراح يرشحوني
وتصدقوا والله العظيم ماكنت عارفه ايش الرغبات الااخترتها بجدارة وكان عندي خطأ بسيط بالمعدل وخطأ بسيط بيوم التخرج وعدلوها لي.
طبعا بعد ماطابقت عرفت انه العمل الأداري وفرحت لأني عارفة بمعاناة المدرسات وجربت التدريس
الشي الثاني الا ابغى اقول له لكم
لازم نحمد الله لانه اتعينا بفضل ابو متعب بعد فضل الله ولا ماكنا نحلم بالوظائف ولاالراتب الا ماهو عاجبنا الان ومعظم المترشحات بصراحه الا كانوا يشتغلوا رواتبهم ماتزيد عن ال3000 وكان حلمهم وظيفة من الديوان وانا اولكم
بالنسبة للتخصصات العلمية هذا حقهم ان الدولة تحسن مرتبتهم والا تقول مافي فرق انا اقول لها الا والله في فرق في الدراسة والتعب بالله عليكم هل حفظ مقرارت واضحة ومفهومة اسهل ولا فهم رموزومصطلحات انجليزية ماتفهمي منها شي اسهل
أما بالنسبة للرغبات كلنا اخترنا الرغبات بكامل قوانا العقلية مااحد ضربنا لمااخترناها وبصراحة بعيننا شوفنا النقاط ولازم يكون في تميز وكل وحدة اتعينت حسب نقاطها ورغباتها وممكن تكون الواسطة نوعا ما لعبت دورها بشكل بسيط وهذا طبيعي في بلدنا
وبالنسبة لموضوع الماستر للأسف في كل مجالات العمل سواء خاص او حكومي تعتبر شهادة البكالوريوس اعلى قيمة والفرق بين الراتب يكون شي بسيط
لعلمكم الكثير من المبتعثين رجعوا ومعاهم شهادات الماجستير واتوظفوا بشهادات البكالوريوس
واخيرا اتمنى اني مااكون طولت عليكم او ضايقت احد لكن بصراحة من جد الردود خرجت من موضوع الوظائف الى موضوع الحسد والحقد والغيرة ولاننسى قول الرسول صل الله عليه وسلم( لايؤمن احدكم حتى يحب لاأخيه مايحب لنفسه)
|
قولي اااميين جعل يديك مايمسها النار كفيتي وفيتي وردك عين العقل
اللي يقهر قبل لا يتوظفون وهم ميتين على وظيفه لو على بند حتى لو كان الراتب قليل حتى والله اني اعرف بنات يقولون ليتهم يذكرونا الوزراه لو بالغلط يوم ربي رزقهم الوظيفه ابطروعليهم وقامت كل وحده تكتب وش معها من شهادات وخبرات كان مافي غيرها ترى الاغلبيه معهن بس مهب لازم نسوي دعايه عن شهاداتنا اللي ماكان اخذها الا احنااا
مره وحده بمنتدى قبل لا ترشح قالت ابي وظيفه حكوميه لو 1500 ريال يوم جتها اداري قالت ياالله نرضى فيهامع انها مهيب من مستوي مادري ش يبون وزيره ولا وشو
والحين كلا يبي يشكي ويتظلم وينكم يوم انتم في بيوتكم مخللات بالسنوات وراكن ماشكيتن وتظلمتو ولا يوم توظفو يبون كل شي بالسريع ماشفت وحده تقول الله بارك لي بالوظيفه علشان ربي يطرح فيها البركه ترى الاغلبيه يبون التعليمي علشان الفلوس مهوب حب بالتدريس والله اذا ربي ماطرح البركه ان الراتب يطير مايستفيدون منه شي ياما مدرسات رواتبهن 15 الف وهن عليهن قروض وديون حتى بيت ملك ماقدرو يوفرونه وناس ماشااءلله رواتبهن معتدله بس ربي طارح البركه فيها ملكو كل شي لانهن مقتنعات وراضيات ويرددون الحمدالله على كل حال 