الله يعطيك العافية يا استاذ عبدالله
انا اتمنى انك ما تزعل من الي ينتقدون او يحاولون يجرحون في شخصك لأن هذولا عينة من المجتمع الي احنا عايشين فيه وعلى قولت المثل ( ان خليت بليت )
اغلب الاعضاء وانا واحد منهم استفدنا كثير من قصتك واتمنى انك ما تندم على فعل الخير بسبب الي ينتقدون

لكن يا استاذ عبدالله انا لي كم سؤال اتمنى تفيدنا فيهن

1 . هل انت تشتغل حالياً بالمقاولات والتقنية فقط ؟ هل جربت مشاريع غيرهن هل تعرض عليك مشاريع
واذا عرضت عليك مشاريع جديده ترفضهن او تقبلهن وتحاول تتوسع وكيف تدرس الافكار الجديده الي تجيك عن طريق معارفك او الاخوان االاجانب

2. يا استاذ عبدالله انت ذكرت انك خسرت في معارض الحاسب ومعاهد التعليم ( مع ان فيه منافسين لك نجحوا )
وايش هو معيار الخسارة عندك انت تقول انك خسرت 25 مليون ايش الي صبرك ليش ما وقفت عند مليون او 5 او 10 سليمان الراجحي في قصته يقول انه خسر مليار في مشروع الدواجن ورغم كذا كمل ونجح
يعني الواحد اذا خسر متى يوقف المشروع ؟

3. كيف تتعامل مع منافسينك بالسوق سواء بالمقاولات او مجال التقنية هل واجهت منهم مشاكل ( لأنك تعرف الشباب عندنا يخاف من الي التجار الكبار او من تحالف الاجانب اذا دخل في مجال نفس مجالهم )

4. اخر سؤال واتمنى اني ما كثرت عليك اسئلة
كيف يتم ادارة الشركات الكبيرة مثل شركتكم وكيف صاحب الحلال يقدر يدير اكثر من مشروع مختلف وكيف يقدر يدير اكثر من فرع في اكثر من مدينه

(احنا نفتح محل واحد ونشتغل فيه واذا غاب الواحد او سافر يسرقه العامل )