المشاركة الأصلية كتبت بواسطة غروب الدمام

انا شريت من شعبان كذا حاجه للدوام بس قلت بصبر بعد العيد عشان ينزلون بضايع الدوام ...

المحلات زي ماقالت اختنا الفاضله عندك بيرشكا حلو تلاقي عنده كنزات قطنيه وخفيفه واكمامها طويله وتقريبا كل الألوان الأساسيه & زارا & السواني & برمود احيان يجيب شي كويس واحيان الحمدلله والشكر & مانجو & وفي محل اسمه اكسبرس يابنات الشرقيه في الظهران مول عنده بلايز رسميه حلوة للدوام وتقريبا كل الألوان بس غاليه شوي اخذت وحده ب250 ..

وفي اسواق شعبيه ترى تلاقي فيها تنانير الصراحه عمليه ومو شرط تكون ماركه احيان نحصل حاجات حلوة في سوق متواضع مانلاقيها في المولات الكبيرة

ونصحيتي لكم لاتكثرون ملابس حتى تشوفوا نظام مدارسكم كيف ..


بالنسبه للتحضير مابسوي شي الين اشوف لازم دفتر او طباعة من النت .. واللي رايحه قرى لاتنسى تاخذ طابعه واحبار طابعه وورق طباعه حطوا في بالكم مافي مكاتب هناك ..

والله ييسر لنا امورنا ويفرجها علينا ونعرف مدارسنا قريب ونفتك ..