اقتباس:
طيب من ناحية السكن .. كيف الشقق المفروشه وكيف اسعارها ونضافتها ..؟؟
ولو نستاجر شقه غير مفروشه اجار سنوي على كم الاسعار ؟؟
وافضل منطقه للسكن تنصح فيها ؟
وهل فيه مكاتب تأجير سيارات ؟؟
والله يعطيك العافيه
|
ماباقي إلا تسألني وش اسم أمي<< امزح معك هههههه 
شف يالغالي
انا استأجرت شقه مفروشه ابو ست مية كلب << الله يعز الي يقرون
بـ 2500 ريال بالشهر
اخذتها تقريباً شهر واحد ثم انحشت منها
طبعاً فيه شقق مفروشه جاهزه كثير وانت وجيبك وحظك
وبعدها استأجرت شقه 1300 ريال وانا الي اثثتها
اسعار الشقق الغير مفروشه تتراوح ما بين 1100 إلى 1600 على حسب المساحه وعمر الشقه
الأجار شهري طبعاً
وقبل ما انسى لما تستاجر شقه غير مفروشه يعني انت الي بتأثثها
راح يطالبك بدفع ثلاث شهور مقدم
انت قول لمكتب العقار ان انت معلم وما عندك تدفع
طبعاً اغلبهم اذا مو كلهم يثقون بالمعلمين وراح يتجاوز عن هذا الشرط
وبتدفع حق شهر واحد واذا استلمت راتبك ادفع له ما تتفقون عليه
السكن في الغالب راح يكون في سكاكا
بحكم ان جميع الدوائر الحكوميه موجود فيها والمطاعم واغلب الخدمات
وهي في المنتصف عن جميع الهجر
واذا كان سؤالك عن الأحياء فـ سكاكا صغيره
وما تفرق الأحياء عن بعض
من ناحية السياره
اول ما توصل للمطار في مكتبين تأجير سياره
وفي سكاكا البسامي لشحن السيارات ..
واي اسأله ثانيه انا حاضر 