اقتباس:
المشاركة الأصلية كتبت بواسطة متفائل بدعاي ربي
بسم الله الرحمن الرحيم
اسأل الله يوفق كل من دخل لموضوعي وييسر اموره ويفرج همومه ويسعده دنيا وآخره ويحقق له مايتمنى آآآآآآميييييييين
انا تعينت يا اخواني بحفر الباطن وانا والله اجهل هذي الديار ابي منكم بعد الله في ترتيب القرى حسب الاقرب للحفر
وياليت تخدموني بعد في الشقق المفروشه ابي شقق رخيصة ونظيفة
والقرى
ام عشر -القيصومه- الصفيري - القلت - الفاو الشمالي - درب الابل - النظيم- الرقعي - الصداوي- ام كداد -معرج السوبان- خبيراء- السعيرة الذيبية - النايفية(ذبحة)-المدينة العسكرية -سامودة - ام قليب- مناخ - الحيرا- القرعاء - اللصافة - المتياهة الجنوبية
واخيرا الله يسعدكم وابي طريق طيب وزين من جدة للحفر ويكون قريب ربي يفرج همومكم آآآآآآآآآآآمين
|
يالله عساه ألف مبروك يالخي وعساه يتمَم عليك بتيسيره وتوفيقه
اسمع طال عمرك أنا تو قريتك وتراني ماني بدليلةٍ حيل لذلك نشدت لك خالي وعلى إن شاء الله توقعاتي وتوقعاته أنت منت بضايع وتبي تختار الصحيح والأقرب لك بحول الله !
شف طال عمرك لو تبي تطيعن حط الرغبه الأولى الصفيري لأنه تبعد عن الحفر حول 10 كيلو قريبة ولاهي بعيده من الحفر الرغبه الثانية حط القيصومة تبعد عن الحفر 20 كيلو اللي بعده حط الفاو الشمالي يبعد عن الحفر حول 45 عقبه إذاك تبي الأقرب فيه الذيبية تبعد عن الحفر 40 كيلو وعقبها فيه الصداوي تبعد 50 كيلو عن الحفر والقلت اللي هي ( هجرة الطوالة ) بعد تبعد عن الحفر 50 كيلو ـ المدينة العسكرية تبعد حول 60 كيلو والخيار بالأول والأخير لك عسى الله يختار لك الخير !
أخيراً أنا أقولك ليتك الحين ما تستعجل وتبقى على الرغبات هالفترة ، وإذا أنت راعي طويله أنا أقترح عليك تاخذ لك بيت ايجار ( تبي تلقاه نظيف بحول الله ويمشي الحال ) هذا إذاك مو بعزابي طبعاً لأنه بيكون أرخص أما إذاك عزابي فأولاً وأخيراً الشقق هناك ماهي بغاليه إن شاء الله عموماً أنا أشوف إنك ما تشوف الشقق الآن بل خلك يا ما تشوف وين هو فيه تعيينك ثم عاد تشوف وش الأقرب لك من الشقق وافضلك وأنسى ولا أنسى يالخي أقولك : استخير الله عسى الله يكتب لك الخير آمين
دعواتك لي بظهر الغيب عسى ربي يوفقك ويحفظك