اقتباس:
المشاركة الأصلية كتبت بواسطة كربش
الله يوفقك يالغالى
بالنسبة للبدلات هل تقصد اللى يجيك فيها سحاب من النص واكمامها طويلة
او تقصد فانيلة بيضاء ذات اكمام قصيرة
وهل تكون البدلة سادة باللون الابيض فقط
الله لايهينك يالغالى
|
لا بدلات رياضيه قطن اكمامها قصيره بيضاء ساده مهي مشكله كتابة بسيطه جدا مثل ماركة البدله او رسمة صغيره بس مهو تكون مليانه كتابات
انا قلت قطن عشان النيلون يذبحك بالحر
بس القطن بااارد وناعم على الجسم
هم ما طلبوا البدلات والبنطلون الأرق اللي قلتها بس جيبوا معكم مثل ما قلت لكم لأنك اول اسبوع بتجلس بالللبس هذا 24 ساعه الين يصرفون لكم التمويه
عشان كذا عشان تكون مرتاح نفسيا من كثر الحر تتسبح وتغير
بالنسبة للمغسلة فيه مغسله بس مش ولابد اذا قدرت توفر لنفسك ملابس لأول اسبوعين
وتجمع ملابسك المستخدمه بعدين اذا بدت الزياره تصير تعطي اللي يجونك في الزياره ملابسك يغسلونها في البيت أو في مغسلة زي الناس ويرجعونها لك يعطونها البوابه ويكتبون اسمك وفصيلك وتوصلك الى غرفتك
بالنسبة للديتول والبودرة
الديتول تغسل به غرفتك كل صبح هههههههه انقريه صباحيه وتحتاجه طحت مثلا تعقم به الجرح وكذا وبعدين احيانا من كثر الاستخدام مغسلة الغرفة تصير فيها ريحه ابد حط شوي ديتول وتضبط الريحه البودره عشان الرجلين وانت بكرامه عشان ما تتقرح الرجلين
الغرف فردية كل طالب له غرفته
وترى من حظه اللي يجي بغرفة 6
غرفتي 
البجامه تلقونها في الملابس الرجاليه وعاد انت بكيفك دور اللي يعجبك كقماش بس اللون كحلي او ازرق حولك حواليك ونصيحه دور شي اوسع منك عشان ترتاح وانت نايم
الصراف تروح لها بس بعد طلعة الروح احسن شي جب معك 800 الى 1000 ريال او مثلا تجيب معك 500 واذا جاك احد بالزياره يجيب معه 500 وترى المحل اللي يبيع في الكلية اللي يسمى الاسكافي متعاون وابد اذا احتجت شي وما معك فلوس يسجل المبلغ في دفتر وبعدين تسدده
لا تخافون من هالناحية .... ما طلبوا ملابس رياضية بس جب معك