ماشاءالله

الله يرزقك الرزق الحلال الطيب


اول شي زين سويتيه انك يوم قررتي تشتغلين ابتعدتي عن اي شي ممكن يكون حرام حتى ولو فيه اختلاف بين العلماء

وكلنا عارفين ان الرزق من الله سبحانه وعشان كذا لازم الواحد يصفي نيته ويبعد عن الحرام


الشي الحلو الثاني انك ابعدتي فكرة انه صعبة جيراني وربعي يدرون<<<اكبر مشكلة عند الكثير

مع انه لو يحتاج الواحد (الله لا يحيجنا لاحد) ماراح يلقى الا القليل القليل يساعدونه

فالشغل مافيه عيب ابد



مثل ماقال احد الاخوان فوق افتحي مشغل وبداية التسويق للمشغل راح يكون عن طريق جيرانك واقاربك والموقع هذا والمواقع الانترنتية اللي انتي مشتركة بهن

طبعا فكرة المشغل اذا كان عندك راس مال حلو


واذا ماعندك تقدرين تشتغلين ببيتكم


سمعت عن وحده بحفر الباطن تشتغل كوافيرة وحقة مكياج ببيتها

اكثر ما تضبط العرايس ويقولون البنت الوحده بـ 2000 ريال ويقولون هالحين لازم حجز من بدري لان عليها زحمة ما صارت



حاجة وحدة ودي تحطينه ببالك سواء اشتغلتي من بيتك او من مشغل

ابعدي عن اي شي به شبة ومن ترك شي لله عوضه الله بشي خير منه واصبري على رزقك لانه السمعة ما تجي بسرعة والواحد لازم يصبر على بال مايشتهر شغله ويكثرون زباينة


اسأل الله لك التوفيق