أخي الكريم .. انا معك بكل حرف ..
نظرة الآباء لنا عادةً تكون قاصرة لانهم يعتقدون انهم الأعرف بمصلحتنا .. وهذا يتنافى مع التربية الإسلامية الصحيحة فهناك اقوال عن الصحابة رضوان الله عليهم مثل (لا تربوا ابناءكم على زمانكم فإنهم خلقوا في زمان غير زمانكم) لو كل أب وأم طبق هذا القول راح نجد تفهم كبير جداً من الآباء ..
المشكلة ان الأهل مايعطون الشاب أو البنت الثقة وانه ممكن يبدع ويكون له مستقبل عظيم..
انا اتكلم من واقع اني بنت .. كثير من البنات مضطهدات وكثير من البنات ينحرفون والسبب يعود الى الأهل .. تلاقي البنت مو لاقيه أحد تتكلم معاه الأخ لاهي والأم والأب كل واحد مشغول عنها ..
الزمن تغير (وانا اتكلم عن البنات لان البنت اذا صلحت راح تجيب جيل كامل صالح) البنات لهم احتياجات كثيرة صارت تحس بالقهر اذا قارنت نفسها بغيرها..
أخوي حنا مفروض ماننتظر الحل من آبائنا لانه صعب نغير عقلية لها 60 او 70 سنه .. المفروض نتكاتف حنا ونسمع بعض كل أخ يروح لأخته ويتقرب منها.. يسمعها.. يدللها .. يطلع معها ويمشيها .. يحس فيها ..
اذا انكسر هالحاجز بين الإخوان ماراح يحتاجون أحد وراح يلقى كل شاب أخته تسمع له وتحس فيه..
انا عندي اعتقاد ومؤمنه جداً فيه .. ان جيلنا هذا ماراح يسوي شي لانه تأسس غلط لكن الجيل الجاي يعني عيالي وعيال عيالي متأكدة انهم بيرفعون الراس ليش ؟؟؟

لان كل واحد فينا صار عنده وعي وراح يزرع الثقة في ابنه وبنته يمكن حنا راحت علينا فرصة اننا نسوي تغيير على الصعيد الإجتماعي بأنفسنا .. لكن ماراحت على أولادنا بإذن الله..

أخي الكريم دمت بكل خير ..