المشاركة الأصلية كتبت بواسطة معلمه لم توجه

البنات اللي من خارج جده واتعينوا في جنوب جده واللي مدارسهم في حي غليل او المحجر

انا من اهل جده وقريبه من الجنوب وساكنه في حي عباره عن مخطط راقي ونظيف واهله محترمين

وفيه متوفره كل الخدمات وبرضو فيه شقق مفروشه الحي اللي انا فيه اسمه ( حي الوزيريه )

وهو اقرب حي نظيف لـ منطقة جنوب جده المسافه تقريباً من 10 دقايق الى ربع ساعه لمدارسكم

وجنب بيتي في شقق مفروشه والمنطقه مريحه ومأهوله بالسكان يعني مافيه خوف ان شاء الله

اللي حابه احجز لها وارتب لها سواق يوديها لـ مدرستها انا في الخدمه

لإني اعرف سواقين الحي اللي انا فيه وابخدمكم لوجه الله تعالى

وانا لله الحمد والفضل اتعينت في جده وهذا فضل من الله عشان كذا حاسه فيكم

اللي تبغاني اساعدها تبشر من عيوني

او اللي حابه اجيب لها ارقام السكن والسواقين وهي تحجز بنفسها برضو انا حاضره

شوفوا اللي يناسبكم وردوا لي خبر