بنات اول شي عشان تفهمون الموضوع اول شي شوفو الرابط والردود تحت الموضوع

إداريات «السادسة» يتظلمن أمام الوزارتين الإثنين المقبل تمهيدا لمقاضاتهما
http://www.alsharq.net.sa/2012/08/26/456686


أكد المحامي الدكتور نايف بن ناشي الظفيري تأجيل رفع خطاب تظلم إداريات من التعيين على مرتبة لا تناسب مؤهلاتهن إلى وزيري الخدمة المدنية والتربية والتعليم حتى منتصف الأسبوع الجاري تمهيداً لمقاضاة الوزارتين أمام ديوان المظالم وفقا للنظام المتبع في مثل هذه الحالة، الذي يجيز بعدها رفع وقبول الدعوى من المتظلمات لدى الديوان للمطالبة بإلغاء قرار التوجيه ومنح المعينات بمختلف المناطق المراتب المستحقة لهن ,,

يابنات انا كلمت المحامي الدكتور نايف الظفيري واستفسرت عن رفع التظلم وهل رفع التظلم والمحاماه عن قضيتنا لفئه معينه او فئه خاصه وكم اتعاب رفع القضيه قال انه راح يوافينا بتفاصيل التظلم ورفع القضيه الاسبوع القادم راح ينشر طريقة التظلم والاجراءات والاتعاب ان شاء الله عن طريق موقعه الشخصي والفيس بوك والتويتر ورابط صفحته على تويتر هي

http://*******.com/Ndafere

وقال لي ان التظلم راح يكون على اما على المرتبه او المنطقه الي عينوك فيها ,

بخصوص التظلم يا بنات المحامي نايف يقول انه للمطالبة بمنحهن المراتب المستحقة لهن، التي تتراوح بين السابعة والتاسعة، استناداً لشروط ومعايير التعيين المعتمدة رسميا والخاصة بتصنيف سلم الوظائف المدنية للائحة التعيين لدى الخدمة المدنية القائمة على نقاط المفاضلة وفقا للمؤهل والدورات التدريبية والخبرات العملية للمتقدم التي يحملنها.

حملة المؤهلات العلمية العليا من ماجستير ودبلوم عال وخبرات ودورات يعادل بعضها ثلاث مراتب وفقا للتصنيف الذي يضاف له قرار الوزارة الخاص بمقار تعيين وتوزيع المتقدمات التي اعتمدت له الرغبات التعليمية التي طلبتها المتقدمات لتكون هي رغبات الوظائف الإدارية المدنية رغم فارق الراتب والظروف بين الاثنين.

يعني جميع التربويات الاقسام العلمي والتربويات الاقسام الادبيه حاملات الماجستير والدكتوراه والحاصلات على دورات وخبرات عمليه كلهم راح يرقونهم لسابعه او الثامنه او التاسعه ,, لان المرتبه السادسه لاتناسب الخريجات صاحبات العلمي ,, ايضا التظلم راح يشمل الي عينوها بعيد على رغبات الوظائف التعليميه الي كانت حاطتها بجداره ,, ويابنات لاتصدقو كلامهم ان كل اربع سنين تترقين مرتبه لان المرتبه السادسه يسموها ( مقبرة المراتب ) اعرف كثير لهم اكثر من اربع سنوات ما حصلو على الترقيه لان الترقيات للاسف فيها واسطات وشغل من تحت الطاوله ,, لذلك لازم نتحرك يا بنات ..

ويقول المحامي الدكتور نايف الي تبغى تتظلم تتصل على المكتب وتضع بياناتها وسوف يتصل عليكم الاسبوع القادم والرقم هو 046268333 ( والحمد لله انا اتصلت وحطيت بياناتي )

(بالنسبه للاقسام الادبيه خريجات البكالريوس قسم ادبي ) الي مامعهم ماستر ولا دورات ولا دبلوم عالي ولا خبرات لسا ماسالت المحامي نايف هل يحق لهم التظلم او لا ,, وراح يبان وضعهم الاسبوع القادم اذا نزل المحامي الفئه الي مشموله بالتظلم .....

بالنسبه للبكالريوس الاقسام الادبيه ((( من رأيي الشخصي انا ))) بغض النظر مامعك دورات ولا دبلوم عالي طالما انت بكالوريوس مرتبتك ماتكون السادسه هذا القصد , لو يرفعونكم مرتبه يكون اقل شي كمساواة بينكم وبين زميلاتكم الذين توظفوا تعليميه ع المستوى الخامس وانتم وهم يحملون نفس الشهادة والمؤهل ,,

يابنات ياليت نتحد مع بعض عشان نكون قوه ,, لا حد يقولي احمدي ربك على الوظيفه غيرك ماتوظف انا نحن نطالب بالعدل ولانرضى بالظلم حرررام بعد انتظار أكثر من 10 و11 و12 حتى وحده 16 سنه معانا بالمنتدى تنتظر الوظيفه ..

حسبي الله وكفى حطونا اداري مستغلين حاجتنا للوظيفه وحنا مختارين تعليمي ولم يكتفوا بالإداري ظلمونا في مرتبتنا وعلاوةً على ذلك رمونا بقرى والبعض بهجر ونحن إداريات حاملات شهادة البكالوريوس غير ان البعض يحمل شهادة الماستر ( وانا وحده منهم ) كما ان العمل الإداري بإستطاعة تغطيتهِ في أي مكان ليس كالتعليمي يحتاج الى تخصص ,,

هذا ظلم واضح ومن حقنا نتظلم على المرتبه ومكان الوظيفه بعد صبرنا سنين ..

ارجو منكم يابنات انكم تتحمسون معي للقضيه والمحامي الدكتور نايف محامي شاطر وغني عن التعريف ,, حتى اني سالته عن وضعي ان معي ماستر قال انتي استحق الثامنه وعند كسب القضيه ورفع مرتبتي ل الثامنه سوف يعطونني فروقات الرواتب من تاريخ المباشره على السادسه حتى استحقاق المرتبه الجديده التي تم رفع مستواي لها ,, وهذا الشي ينطبق على كل من تم رفع مرتبته ..

يابنات دعواتكم لي بالولد الصالح .. ودعواتكم للمحامي الدكتورنايف المهتم لوضعنا وقضيتنا ربي يوفقه ويسهل اممره ..

يابنات اتصلو على المحامي بالرقم الي فوق ^ وحطو اسم زوجك او اخوك او اسمك ورقم الجوال والمحامي راح يتصل فيكم ويدون مشكلتك عنده ,,

وبالتوفيق يا رب ...


ملاحظه ,,
بنات لان مشاركاتي اقل من 50 مااقدر ارد عليكم الا بمرور 24 ساعه لذلك اعذروني بكرى ارد على استفساراتكم ,,
الشي الثاني الي عندها يوزر في منتدى بطاله ومنتديات تعليميه ثانيه ياريت تنسخ موضوعي وتنشره نبغى اكبر عدد ممكن يحط بياناته عند المحامي نايف ,,, ويعطيكم العافيه ,,للأمانه منقول