اقتباس:
المشاركة الأصلية كتبت بواسطة تفاصيل الماضي
المعذره بس حبيت ارد لان كلام الاخت استفزني
عزيزتي انا مستشاره توظيف في طاقات وواجهت مشاكل كثير مثل حالتك وعليه اتمنى انكم تكونوا منطقيين
1-مسؤوله طاقات اللي ذكرتي راتبها هذي لها خبره عمليه من قبل مركز طاقات تستاهل عليها الراتب هذا وعليه الرواتب تتحدد في اي مكان في العالم حسب الخبره العمليه
يعني لو انتى او اي احد استقل واستحقر الوظائف الموجوده فعمرك ماحتوصلي للراتب هذ ولو انه انا اقولك مبالغ فيه للامانه
2- لما يتقدم لنا طالب عمل مخلص بكالوريس ومايعرف يعمل سيره ذاتيه ... هنا نقطه
احنا بنقعد على النت ساعات وساعات ندور اشياء مو مهمه او ماحتفيدنا وطبعا انا مااعمم ليش مااستغلينا الوقت وبحثنا على التطوير النت مليان دروس او تدريبات تعلم كتابه السير الذاتيه وجربي
كيف تبغو تتوظفو في مراكز في الدوله سواء كان خاص او عام ونحنا حتى السيره مانعرف ايش هيا
3- اللي يقول ان الوظائف ماتنسابنا لان رواتبها منخفضه .. قولولي كم واحد منكم قاعد سنين بالبيت عشان الراتب وعشان المسمى الوظيفي وعشان وعشان ايش الاستفاده عمرك ماحتلقى لان الشركات تحتاج ناس بخبره ولو بسيطه تشعرهم ان المتقدم على الوظيفه جاد وبمعني عامي شغيل
في المقابل عندنا عينات من الشباب والشابات السعوديين وافقوا على وظائف عاديه جدا وهم خريجي ثانويه او جامعيين والان شوفوهم ماسكين مناصب فالعيد مش من الدوله العيب مننا احنا
وبال مانحط الغلط على صندوق التنميه او حافز نحط الغلط علينا كافراد احنا ايش سوينا لانفسنا يعني فكروا معايا
كل واحد منكم كم شهر بياخذ حافز اللي هي اعانه للباحثين عن العمل . طيب
بياخذ الفين ريال شهريا صح طيب الالفين هذي كم واحد فكر يستغلها بتطوير نفسه بدورات سواء كان تنميه بشريه او انجليزي او حاسب عدد قليل جدا لان الغالب ينزل السوق والمطاعم وغيره
4- واخر شي انتو بمجرد زيارتكم لطاقات في حال ماكانت الوظائف مناسبه للموهلكم (مع انها هي الوظائف الموجوده في سوق العمل حاليا حتى لو بحثتوا ماحتلقو غيرها) يزودكم الاخصائي بخطه عمل تتيح لكم البحث عن شواغر وظيفيه مناسبه لكم وفي حال وجدتوها نساعدكم في التوظيف يعني الهدف اولا واخيرا القضاء عن البطاله
مااقصد اني احطم احد بس انتو لازم تكونو منطقيين وواقعيين قبل لاتتهمو موظفين حافز او حافز او الصندوق او دولتنا حفظها الله
شكرا واتمنى تقبلوا كلامي
|
سبحان الله نلاقيها من فين و لا فين
طيب يا أختي انت ما شاء الله على حسب كلامك بدأتي بوظيفة مستخدمة ثم موظفة استقبال ثم مستشارة توظيف و بعدين مديرة ما شاء الله .. طب بلاش ندرس في كليات و جامعات و نطبق في مدارس و خلاص نتدرج من مستخدمة لمدرسة لوكيلة و الخ
و بالنسبة للسي في كثر الله خيركم مرة تعبتوا معانا انا رحت و شفت اللي تقولي عليه و الله مستشارتي كانت مو عارفة تكتب لي كلمات و انا اصحح لها الإملاء ؟؟؟
الدولة ما قصرت بتعويضها لنا بحافز ... عن سنوات الضيم و الإنتظار للوظيفة اللي تناسب تعبنا و مجهودنا و دراستنا و انتوا جايين تحطونا على مزاجكم .... كول سنتر و مندوبة مبيعات و بائعة ؟؟؟
لا و بعض الوظائف ما يدخلوها إلا واسطة انا رحت لطاقات و انا متأملة على الأقل الاقي مين يقدّر و لكن للأسف اهم شئ اكمل عدد في نسبة التوظيف عندهم و ادخل اي وظيفة و السلام و ارمي سنوات عمري و دراستي و تعبي لوراء بحجة مافي إلا دي الوظائف
بدال ما تساعدونا و ترفعوا إن العرض اقل من الطلب بكثيرر
ماهو حافز:يعتبر برنامج حافز البداية لمجموعة من الحوافز والتنظيمات التي أمر بها خادم الحرمين الشريفين - الملك عبدالله بن عبدالعزيز حفظه الله - لدعم الباحثين عن العمل وذلك لتعزيز فرصتهم في الحصول على وظيفة تضمن لهم حياة كريمة ويساهمون من خلالها في بناء هذا الوطن المعطاء.
حيث أن أحد عناصر البرنامج هو صرف إعانة حافز البحث عن العمل بشكل شهري لدعم وتحفيز الباحثين بجدية عن العمل والمستحقين للإعانة المالية وفقاً لضوابط الاستحقاق الخاصة ببرنامج حافز ، ولاستمرارية الحصول على هذه الإعانة يتعين على الباحث استمراره ومواصلته في البحث بشكل جاد عن العمل. حيث أن الهدف الأساسي من هذه الإعانة المالية هو مساعدة الباحث في الحصول على وظيفة دائمة ومناسبة وليس الركون للإعانة كمصدر لدخل ثابت.
ولا يقتصر برنامج حافز على الدعم المادي للباحثين عن العمل، بل ويشمل أيضاً على عناصر أخرى يأتي من ضمنها توفير برامج تدريب وتأهيل خلال فترة استحقاقهم وذلك لدعم وزيادة فرصهم في الحصول على الوظيفة المناسبة التي تلبي تطلعاتهم
تنااااااسب مؤهلاتنا اوكي الله يسامحك و لا حول و لا قوة إلا بالله
