المشاركة الأصلية كتبت بواسطة المتفائلة للأبد

ألف مبروك حرية الشام و إن شاء الله ربي يعطيك خيرها و يكفيك شرها

بس كيف دوامك يبدأ 8 ؟؟ يعني بتشتغلين في نفس مكتب الإدارة

المشاركة الأصلية كتبت بواسطة أم فارس العتيبي

السلام عليكم ورحمة الله وبركاته
ألف مبرووووووك لكل اللي توجهوا لمدارسهم اليوم الله يعطيكم من خيرها ويكفيكم شرها ..
حرية الشام ألف مبروووووك توجيهك كنتي من زمان تتمنين تكونين في أبها والحمد لله الله يسرها لك ..
الله يوفقك ويبارك لك أن شاء الله ..
نجي عاد لي اليوم داومت في مدرستي حر وقرف وكني في مدرسة لها ألف سنة من تأسست المكيفات حارة وبعضها ما يشتغل المديرة كانت في إجازة والوكيلة شايفة نفسها أول ما قابلتها قالت وش رأيك تمسكين حصص من أول ابتدائي بما أنه عندك خبرة في تدريس أول ابتدائي قلت ما عليش حبيبتي أنا إدارية مو معلمة قالت تعرفين في برنامج نور قلت لا والله ما أعرف قالت خلاص أجل بندربك وعقبها بنخليك مدخلة بيانات قلت بس هذي وظيفة لها بدل بس مو مشكلة ممكن أشتغل فيها بس بعد ما أتقن العمل وأمارسه ترفعون خطاب بخصوص أني أستحق بدل حاسب بحكم شغلي عليه قالت لما تجي المديرة تتفاهمون على هالنقطة .
الزبدة هم مو عارفين وش يعطونا من مهام وحنا مو عارفين وش المطلوب منا المهم السالفة أننا ضايعين لا واللي يقهر وحده من المعلمات نطت في السالفة وقالت خلاص يشتغلون معنا بدال هاللي ندفع لهم فلوس عشان يشتغلون لنا الظاهر الحبيبة تفكرنا شغالات أبوها ما باقي ألا تقول يسوون لنا القهوة والشاهي عصبت أنا وقلت ما عليه أختي أنا مالي دخل في شغلكم أنا شغلي في الإدارة فقط .
بس أرجع وأقول الحمد لله على كل حال وأن شاء الله يجينا الفرج قريب من وزارة التربية والتعليم بإرسال تعاميم توضح بدقة مهام المساعدة الإدارية .

المشاركة الأصلية كتبت بواسطة أم علي حسن

[align=center][/align]بسم الله الرحمن الرحيم

ألف مبروك حرية الله يعطيك خيرها ويكفيك شرها
أنا وجهوني بالمدرسة اللي طلبت
الله يسعدها وحدة اسمها زينة الله ييسر أمرها وين ماراحت


أنا رحت وفعلا قالوا ارجعو ومارجعت وشوي الا طلعوا كل الخطابات وما التزموا بالرسايل


وكانوا يسألوا وين تبغين بعضهم والبعض تقولك اش القرية القريبة منك يعني الشغلة أخلاق وكل واحد من راسه يحكي


تري قريت اسمك فالورقة بحرف الثاء وناديت عليك وماسمعتيني يمكن كنت ابغ اتعرف عليك


طبعا طلبت مدرسة متوسطة جنبنا لان فيها حضانه عشان بنتي والجمد لله يسرها ربي

المشاركة الأصلية كتبت بواسطة انفاس الورود

الف مبروووووووك حياتي حرية والله فرحت لك من قلبي

الله يعطيك خيرها ويكفيك شرها

هذا صبرك يالغلا ومساعدتك للجميع

الله يجزاك الجنة

المشاركة الأصلية كتبت بواسطة بسمة سعودية

آداريات عسير لإستلام خطاب التوجيه إيش الأوراق المطلوبه لإني بأرسل بنت عمي هي موجوده بالخميس ساكنه فيه لأني لسى في الشرقيه
يعني عادي تروح تستلم الخطاب ..