السلام عليكم ورحمة الله
انا من خريجين الدوره الثامنة عشر لمعهد ريادة الاعمال بالمدينة المنورة
تجاوزت كل المراحل بحماس وبطيب خاطر رغم اني تعبت جدا بعض الاوقات لكني كنت بغاية السعاده
لاني لقيت الاهتمام والثقه والدعم من كل موظفين رياده الله يجزاهم خير الجزاء علي نبل اخلاقهم
لكن حده اتحول الموضوع الي بنك التسليف فقت من الحلم واتذكرت اني في السعودية كن الموضوع اتحول للمقبره مو لبنك التسليف
للان ما اعرف عنه شي ولم يتم استدعائي ارسلت لهم عبر موقعهم الالكتروني طالبين معلوماتي وجوالي ورقم الهوية واخرتها لا حياة لمن تنادي ماوصلني اي رد
مليت الانتظار ودي استفسر من اي احد عنده معلومات عنهم
متي يتم استدعائنا للتوقيع علي العقد ...وليش المقبرة المسماه ببنك التسليف مايقدروا جهودنا وتعبنا وحماسنا مثل رياده
اقلها يعلنوا عن الاجراء القادم ويحددوا موعده ...مليت مليت مليت
ابغا انكرف واتبهذل واتعب واشوف مشروعي ناجح مليييييت صمت القبور اللي معيشيني فيه
قسم المغريات كثير وكل اسباب الضياع متوفره في هالوطن
اعرف ان هالقرض من حقي ومن ابسط حقوقي في هالوطن مو منه من احد ويبسترجعوه كامل وبياخذوا فائده رمزيه عليه
اعرف مدير بنك التسليف بالمدينة المنورة لكن مستحيل اني افكر مجرد تفكير اني اخليه يتوسط لي
لاني اكره اني اخلي للناس جمايل عليه انا مني ناقص شي ولا هو ازود مني في شي !
فضلا اللي عنده اي معلومات يقدر يفيدنا فيها لا يبخل
شاكر لكم سعت صدوركم ونبل اخلاقكم
