|
قبلوني جامعة الاميرة نورة
السلام عليكم ورحمة الله وبركاته
الحمدلله يارب بفضل الله ثم بفضل دعاء والدتي ودعائي
اول كنت ادور واسطه وكم شخص خذا اوراقي مع صورة من خطاب الضمان الاجتماعي
بس سبحان الله الواسطه ما نفعتني
كنت ادور القبول حتى لو اخس تخصص
رحت قدمت يدوي لكل الجامعات نوره + سعود + الامام
صحيح خذوا اوراقي ( صورة من شهادتي + صورة من هويتي الوطنية + صورة من بطاقة الصراف الالى للضمان الاجتماعي + خطاب من الضمان الاجتماعي )
والخطاب خذته بطلوع الروح من موظفة الضمان الاجتماعي كانت رافضة
بس نسبتي نازله كأنهم يقولون مافي امل
وانا بالفعل فقدت الامل
دورت واسطه مانفع معي
قلت مالي الا اتوجه ل رب العالمين واطلبه التوفيق
حتى لو ماجاني القبول بيكون خيره
خسرنا لموزينات رايحة جاية مره للضمان الاجتماعي ومره لجامعة الامام ومره لجامعة نورة اللي عند المطار
وما استفدت منهم شي يقولون انتظري انتظري انتظري
اخر مره رحت لجامعة نورة قالت اوراقك عند المديرة للحين ماجانا ردها ( لاني من الضمان الاجتماعي )
طول الاسبوع وانا اتصل ويقولون انتظري
جامعة الامام قالوا توقف القبول على 88 ( مدري يقصدون المركبة او التراكمي )
جامعة نورة قالوا توقف على 76
والحمدلله تم قبولي في جامعة الاميرة نورة يوم الاربعاء
والله من فرحتي جلست اصيح
ورسلت لهم ملفي يوم الاحد
بس بالفعل تعبت وخسرت وتعبت نفسيتي
يمكن قبلوني لاني مستفيدة من الضمان الاجتماعي لانهم قالوا اللي من الضمان لهم معاملة خاصة
+ سمعت ان السنة التحضيرية مافيها باصات حكومية
والمكافأت ماراح تنزل الا على شهر 1 او 2
التعديل الأخير تم بواسطة حروف الكون ; 04-09-2012 الساعة 07:03 AM
|