المشاركة الأصلية كتبت بواسطة المتفائلة للأبد

مساء الخير >>> شاقة الوجه

ما بغينا و أخيراً شرق الدمام وجهونا

الحمد لله يا رب مدرستي متوسطة و يمدحونها مرة و قريبة من عندي 7 دقايق أو عشر دقايق بالكثير إذا ما في زحمة و إشارات

تخوفت منها و حاولت في الإشراف و لا رضت تغير

بس الحمد لله

مدرسة ملمومة و فيها 4 إداريات و جيت أنا مع وحدة ثانية صرنا 6 و يقولون بتحي مراقبة منقولة

هذا غير المديرة و الوكيلة

خذوا مني الخطاب بس ما أرسلوه تقول لي البريد بكرة

عرفتني الوكيلة على الإداريات >>> المديرة كان عندها مشرفة و الصدفة الجميلة إنها مشرفتي لما كنت أشتغل بالأهلية و رحت أسلم عليها و انبسطت لي الله يسعدها


عاد دائما السؤال المعتاد تعرفين على الحاسب ؟؟

قلت لها إيه

قالت بتجتمع فيكم المديرة و توزع المهام عليكم لأن عدد الإداريات كثير

و استلمت أول وظيفة ******** مسرع

عطتني كشوفات أسماء الطالبات و قالت لي دوري عليهم يوقعون لاستلام الكتب

و بس

هالأسبوع الخروج 12 إلا ربع و على الاسبوع الجاي بتكون 12 و نص

الحمد لله توقعتهم يطلعون متأخرين


تعرفت على المجموعة مرة حبوبات و قالوا لي بترتاحين و حسيت الوضع تمام

و يا رب أستمر معاهم و يستمرون معاي كذا و الله الموفق