صباح الخير شباب ،،، عيني عليكم باردة صاحين من بدرري

أشياء تذكرتها الان واعتذر ع الإطالة :
١- لا تخلي لاحد درب عليك او ممسك بمعنى استر على نفسك ولاتماري بمخلافاتك أقض امورك بالكتمان ولاهي شجاعة تفتخر قدام زملائك ، الشجاعة انك تسوي اللي تبية بدون محد يدري عنك ، الشي الثاني حاول قدر استطاعتك ما تضطر انك تكلم احد يتشفع لك عند الضباط لانها ماتسوى عليك ولاودك تخلي لاحد فضل عليك ، لكن إن اضطررت للظروف أحكام .

٢- بعد مضي حوالي ثلاثة أسابيع راح تلاحظ اختلاف في النفسيات بينك وبين بعض زملائك ويمكن بعضكم مايتحمل الكلمة وهذا شي طبيعي جداً لان الملل بدأ في النفس وربما الحنين للأهل يؤثر ع نفسيتك ، ولكن النقطة المهمة اذا شفت زميلك شاد ومتنرفز حاول تتجنبة مؤ عشانك جبان وتخاف المواجهة بل لأنك تراعي مشاعرة وانت اكبر من ان تراهات الخلاف وتذكر حديث الرسول "ليس الشديد عند الصرع ولكن الشديد عند الصبر " فيما معنى الحديث ، لذلك إذا اخطأ في حقك وحاولت تمسك نفسك صدقني راح يجي يعتذرك بنفسة وانت كذلك اذا أخطئت بحق احد لا تتردد توقف قدام زملائك وتعتذر لمن أخطأت في حقة ، ثقافة الاعتذار مهمة وجزء من شجاعة الانسان انه لما يحس ان اخطأ في حق احد او اخطأ في تقدير موقف يعترف بخطاءة ويعتذر وبكرة لما تتخرجون وتصيرون قادة بالتأكيد راح تخطي مع شخص او تقدير موقف او ردة فعل ولازم عليك تتعود من الان بتصحيح أخطائك وتتعلم منها سواً مع الاشخاص او المواقف.

٣-اختاروا أحسنكم صوت وافضلكم جرأة وذاكرتة قوية لحفظ القصائد والشيلات ، الحصة الصباحة ماتحلى إلا فيها ولاتنسون تصبحون على بلادكم بـ ياصباح الخير يابلادي

٤-لا تستكثر طول مدة الدورة ، الايام تمشي بسرعة ماعليك إلا الصبر والصبر والصبر وحدة من عليك صداقتة من الان .
٥- بالنسبة للتحضير حاول بقدر الإمكان تحضر في الوقت المحدد ، ولمن لم يجد حجز الا مساءً او صباح اليوم التالي لاضرر رسمي سليحقك ولكن لاتلجى للتأخير إلا لضروف الحجورات .
٦- حاول تزين امورك المادية من الان وتكون على دراية ان مكافئتك ماراح تنزل إلا من شهر ١ ووراء وتبدأ ترتب امورك ومصروفاتك خلال الثلاثة الأشهر المقبلة وان صح التعبير شهر ذي الحجة وشهر محرم وشهر صفر اما ذي القعدة فانت في فترة الاستجداد ولن تصرف إلا مبلغ زهيد جداً وخمس مئة ريال كثيرة جداً جداً في الاستجداد ، ومكافئتك حوالي ٤٢٩٠ ريال ستنزل لك دفعة واحدة للشهور المتأخرة ومن ثم ستنتظم تنزل كل نهاية شهر على الصراف حتى التخرج بثلاثة اشهر .
٧- سياسة الظل مفيدة جداً للدورات العسكرية وللمعهد خصوصاً حاول ان تطبقها قدر الإمكان .
٨- إياك وان تتخرج وانت في قلبك على احد زملائك شي ، تصافح واسمح ، صدقني تأنيب الضمير ستزرعه في نفسة بعد ان تصفح عنه.



موفقين خير يارب ،،،،