اقتباس:
المشاركة الأصلية كتبت بواسطة سفينة الأحلام
الله يوفقك
بغيت أسألك أخوي ، الطلبات عطاك هي بالمكالمة ، لأن أخبر الطلبات كثيرة والعادة يعطونك ورقة بالطلبات؟
ثاني شئ وين مكان التحضير بالضبط، نفس مركز التجنيد اللي رحناله لتسليم ملفاتنا بجدة ؟
وياليت سلمك الله تعجل علينا بكتابة الطلبات، لأن قدامنا يومين فقط لشراء الطلبات؟ وأنا بتوكل على الله وبشتريها
|
الطالبات عن طريق الاتصال يعلمك متى تحضر ويعطيك الطلبات وانت خل عندك ورقة تكتب الطلبات وتقدر تجيب الطلبات بنفس اليوم واعتقد ساعتين وانت جايب كل الطلبات.
بالنسبة للتحضير مو عند مكتب التجنيد ولا عند البوابة اللي عند دوار النجوم التحضير عند بوابة مركز التدريب اعلمك فين هي البوابة وهي اصلن بوابة صغيرة مو زي البوابة اللي قدام الدوار .
تتعدا دوار النجوم وتسيييد تجيك اشارة تتعداها وتسيييد وبعدين يجيك امامك اشارة قدام الاشارة دوار انت ادا وقفت عند الاشارة انظر يمينك تحصل البوابة الرسمية للقاعدة بس ماتدخلها تاخد الاشارة وتسيد بعد ماتتعدا البوابة يجيك طريق خدمة على يمينك ههههه اكيد بيكون يمينك وتاخد طريق الخدمة وتسييييييد حوالي 2 كيلو ثم تحصل يمين بوابة صغيرة هادي اللي تدخلك للمركز بس ماهي بوابة المركز لان في الداخل بوابة تانية حقت المركز انت ادا وصلت عند البوابة بتحصل عسكر ينتظروكم وياخدوكم ويركبوكم بالباص وبعدين تنزلوا عند بوابة المركز ويقعدوا يفتشووكم والله يعينكم والله يانكم بتدقوها كعابي من البوابة الا المييز وانت تشيل الشنطة ههههههه لان الظباط والمدربين ينتظروكم بداخله والله يوفقكم .