تبين تتعلمين انقليزي امشي على الخطوات اللي اقولها لك وراح تستفيدين كثير

اختي شوفي انا متقن للغه الانجليزيه الحمدلله وما تصدقين لو اقولك اني انا ما سافرت للخارج ولا درست بمعهد !

كل مافي الموضوع الرغبه والمداومه وحطي تحت الكلمتين هذي خط !

اول شي أسّسي نفسك صح عن طريق معهد ويُفضّل يكون معهد ممتاز ومعروف ولا تضيعين وقتك مع الكتب نصيحه

خصوصا انك في بداية الطريق فا انا انصحك بالمعهد ولا شيء غير المعهد

ايضا لازم تحطي في بالك هدف وهو انك لازم تنجزين الثلاث مستويات الاولى

اذا وصلتي المستوى الثالث وخلصتيه من هنا تبدأ المتعه الحقيقيه للتعلم وراح تتذكري كلامي بس اهم شي أسسي نفسك صح

الشي الثاني طول فترة تعلمك للغه الانجليزيه اقرأي اقرأي اقرأي كتب او قصص باللغه الانجليزيه وركزي على القراءه كثير

خصوصا في الفتره التأسيسيه .. حتى لو منتي فاهمه شي في البدايه اقرأي كثير لاتنقطعين عن القرآءه

بالبيت او برى البيت على الانترنت يعني بأي مكان حاولي ان يكون معاك كتاب انقلش واقرأي

الشي الثالث قواعد اللغه الانجليزيه راح تفهمينها مع الوقت يعني لاتستعجلين وتطفشين بسرعه

لو مرت عليك قاعده وحسيتيها صعبه عليك لاتملّين بسرعه لان هذي مشكلة اغلب متعلمين اللغه الانجليزيه


الشي الرابع حاولي تحفظين كلمات كل يوم او يومين يعني تخصصين لك كل يوم مجموعة كلمات وتحفظينها


الشي الخامس حاولي تقللين استخدامك للعربي قد ماتقدرين وبأي شي

يعني مثلا اذا انتي تتابعين برامج او مسلسلات عربيه جربي البرامج والمسلسلات الانجليزيه

اذا تسمعين اذاعه عربيه جربي تسمعين الاذاعه الاجنبيه وزي كذا

يعني مو مره تقطعين صلتك في العربي اصلا ماتقدرين لكن حاولي تقللين هالشي وتركزين عالانقلش بكل شي

الشي الاخير حاولي كل فتره وفتره تختبرين نفسك من خلال اختبار تحديد المستوى

عشان تعرفين مستواك وتطورين من نفسك اكثر واكثر

وحطي في بالك شغله المهمه ترى المسأله يبغالها صبر وطولة بال وعسى الله يوفقك