السلام عليكم ورحمة الله وبركاته

اليوم اختبرت في جده والحمد لله ان شاء الله مجاوب كويس ... ابغى ادخل في الموضوع على طول <ماعنده وقت !!

ابغى اتكلم عن الاختبار لان الاشياء اللي في البدايه افتراضية ولازم تسويه يعني زي توقف في الطابور عشان يطابقون اورقك وكذا ..

اول ما تددخل القاعه يطلب منك تقفل جوالك واذا معك بلاك بيري تخرج البطارية ... واذا بدء الاختبار وانتبهو لي جوالك شغال راح يطردونك وراح يحطونك في قائمة البلاك لست وما عاد تقدر تتوظف في الخطوط مدى الحياة ..
فيه شخص اجنبي يتكلم انجليزي يشرح لك طريقة الاختبار ورح تفهمون منه ومن السبوره اللي قدامكم .. المهم الاختبار شبه سهل يعني متوسط .. الاختبار يعتمد على القواعد اي القرمر بالكامل يعني مافيه اسئلة عامه زي ما قالو قبل كلها عن القرمر 100 سوال اذا خلصت في اي وقت وحبيت تخرج عادي المهم وانت خارج لابد تكتب اسمك في ورقه عندهم ورقم بطاقة الاحوال وجوالك وتوقيعك <هذا اهم شي عندهم عشان طريقة التواصل معك في حالة القبول .. امم الخطوط طالبين انك تجيب في الاختبار المستوى2 من 6 يعني لو جبت المستوى 2 في الاختبار راح تنقبل اذا !! ارجعو للصفحات اللي قبل فيها روابط راح تفيدكم وانا شخصيا استفدت منها جدا ..امم وبعدين مو طالبين عدد معين .. يعني لو الكل جاب المستوى 2 وما فوق راح ينقبلوون كلهم مافيه عدد معين اهم شي ما تنزل عن المستوى 2 .. طبعا اعلان النتائج خلال 10 ايام القادمه ..

بالتوووووووووفيق للجميع