|
مقابلتي الشخصية والأحداث الي صارت فيها
السلام عليكم ورحمة الله
ياشباب أفيدوني من واقع الخبرة والتجارب الي صارت لكم انا تقدمت على احد الوظائف وتم الإتصال بي لتحديد مقابلة شخصية لي وحددو موعد وتقدمت فية للمقابلة
المهم أول مادخلت على الشخص الي يسوي معي مقابلة هز يدي بقوة بالسلام وقالي تفضل وجلست
وجلس يناظر فيني شوي وسألني أول سؤال
وش إسمك فلان بن فلان
عمرك 35 متزوج؟؟
لا
وليش ماتزوجت في هالعمر قلت له مالقيت عمل قال معقول قلت
نعم قالي أشتغلت سابقا قلت نعم
عقارات وشركات مؤقتة صيفية وانهي عقدي
قالي كيف خبرتك بالكمبيوتر قلت اوكي ممتاز طباعة وكتابة
وخطي جيد جيدا بالورق
سألني سؤال كيف خبرتك بالأنجليزية قلت وسط
قال تكلم انجليزي
my name is nasser
i am old 34 تخيلو قلت بالعربي عمري 35 والانجليزي 34 !!
المهم
i have wanted wroking in housbital
وسيمت إسم المستشفى لادري هل الجملة صحيحة أم لا
المهم قلت i am was marid
رغم اني قايل لهم اني عزوبي أو بالأحرى مطلق
قالي كيف العقارات تنصحي اشتري ارض؟؟
قلت اكيد الاراضي مافيها خسارة لك وللعمر
قالي كيف توفق بين المكتب والعمل عندنا قلت له انا قفلت المكتب سالني ليش بستغراب قلت له لاني خسرت
قلت له سبعة شهور فقط وقفلتة
لأني كنت مستأجر ولااقدر اسددة الأيجارات
طبعا سألني وش يناسبك عمل عندنا؟؟
طبعا الوظائف إدارية قلت له الي يريحكم حطوني فية أو بالاحرى المناسب لدي وتشوفونة اعمل علية
قال لا أختار انت
انا الحين أخيرك قلت له موظف استقبال أو مراسل لأن الوظائف سائق او موظف استقبال او مراسل
اخترت الأحسن منهم
قال عمرك كبير تقدر تكون نشيط بالعمل؟؟
قلت اكيد ماتقدمت الا لأني باثبت وجودي وفي شغلي
قالي انت شباب بس غير لما تكون بعمر 25 24 يعني يكوونو انشط منك ؟؟
قلت له ان شاءالله اني قادر على العمل ولافية اي اشكالية
مع سرعة الأسئلة والموقف
انا بصراحة توترت وصار فيني قلق وحسيت يديني تعرق وحس فيني الشخص الي معاة لأني ماقدرت اصافحهم !!
نزلت يديني احاول اخفي التعرق الي فيني ولكن للأسف
بعد كذا صافحت اثناء الخروج الشخص الي جانب الي سوى معي مقابلة اما الرجل الي سوى المقابلة معي ماصافحتة باليد لأن مش حلوة تصافح رجل ويدينك مبللة
هذي نقطة اثرت فيني وتندمت بس خجلت من تعرق يديني والتعرق معناها شيء إنك قلق وخائف بنفس الوقت لأني بلحظة بيتغير حياتي وادخل عالم الوظيفي وانا عاطل وعمري متقدم وغير متزوج لكن ياشباب الكلمة الي أثرت فيني أكثر قال الشخص الي معاة إذا لك نصيب معنا بنتصل فيك وأنتهت القصة كلها
أفيدوني ياجعل ربي لايحرمكم الأجر
كنت احلم بوظيفة جميلة تعيني على بناء مستقبلي واطمح اني اتزوج واكون نفسي
والله يرزقني ويرزق الجميع
التعديل الأخير تم بواسطة 1399 ; 12-09-2012 الساعة 12:27 AM
|