اقتباس:
المشاركة الأصلية كتبت بواسطة رعبوب الحمام
السلام عليكم ورحمة الله وبركاته
الله يجزاك خير
طيب إذا كنت موظف حكومي اقدر استورد (يعني ماعندي سجل تجاري) , وطلب تأشيرة الدخول هل تكون سياحية او تجارية وإذا كانت لازم تجارية لاني بستورد هل يطلبون سجل تجاري سواءً المكتب او الجمارك او المحل إلي بشتري منه, ومن إلي يستلم البضاعة في السعودية المكتب ولا انت (المشتري) يعني انا استلم بضاعتي من المكتب نفسه ولا من الميناء
وشفت في احد ردودك تقول لازم اقل شيء 30 الف دولار علشان تغطي السكن والتذاكر يعني كم بقي من الربح اجل يعني كم الربح المتوقع (الصافي), وكم طلع لك سعر الشنطه الواحده إلي شريت مع الشحن وكل المصاريف يعني كم تطلعلك واصله للمكانك,, وجزاك الله خير
وليه ماتروح للمعارض الموسمية يعني هل فيه فرق في السعر او نفسه طول العام يعني وقت المعرض ينخفض السعر
وإذا ممكن تعطينا المكتب إلي تتعامل معه وهل عندهم مترجمين وهل هم ثقه وهل يأًخذون 5% فقط
واخيراً الفندق من وين حجزته
ادري اني كثرة الاسئلة بس لازم تتحملنا لكي استفيد يستفيد غيري,,
واطلب الاجر من الله وتسلم وماقصرت والله يعطيك العافية وعقبالك ماتصير اكبر متسورد للشنط
|
تقدر تفتح سجل تجاري باسم زوجتك او أحد محارمك واذا كنت بالرياض تقدر تطلع سجل تجاري من موقع وزارة التجارة الالكتروني ويوصلك خلال أربعة أيام بالفيديكس
الفيزا انا طلبت سياحية ومافيه مشكلة
السجل التجاري ما تحتاجه هناك ابدا
بس اذا انتهيت من الشراء تعطي المكتب هناك اسم السجل التجاري ورقمه علشان يرسل البضاعه باسم السجل الى السعودية
يستلمها مخلص جمركي تعطيه الاوراق وهو يخلصها لك مقابل مبلغ محدد
سعر الشنط يتفاوت أنا اشتريت اكثر من 100 موديل واسعارها تختلف تبدا من 25 ريال وتوصل الى 47 ريال حسب الخامة والجودة ومتوسط الشنطة الواحدة 37 ريال تضيف لها 10 ريال مصاريف الرحلة تصير الشنطة واصلة الرياض 47 ريال وتنباع هنا بالرياض من 70 الى 85 ريال جملة الفايدة راح تكون قليلة لأني ارتكبت خطأ أن المبلغ كان أقل من ثلاثين ألف دولار ، ومصاريف الرحلة والشحن والمكتب تقريبا عشرين الف ريال
حسب ما اعرف ان المعرض يفيد الشركات الكبيرة لانهم يشترون بكميات كبيرة ولا ينفع لي كمبتد
نعم المكتب ياخذ 5% ولكن اعذرني عن المكتب لأني وقعت في احراج وصلت له زبون وصار الزبون غير مناسب فطلب مني الاخ من المكتب عدم ارسال الا شخص أعرفه
الفندق من بوكنج
الله يحييك بالعكس أنا فرحان اني اقدم لك أي معلومة وتستفيد منها انت وجميع الاخوان وماكتبت الموضوع الا للفايدة وحتى يستفيد اخواني من خيرات هذا البلد المتروكة لغيرهم