صباح الخير والفرح
إن شاء الله تكون النتائج اليوم السبت قولوا يالله
السبت او الاحد
مع اني اتوقعها الانثنين بس نقول ان شاء الله اليوم
عسى من جمعنا هنا بالمنتدى يجمعنا بالدوره في سريه وحده ويجمعنا جميعا في جنات النعيم

والله ياشباب اليوم وصل صقر جده كان في الجنوب لان كان في التمرين السنوي لقوات الطواري الخاصه صولة الحق 5 بحضور الامير محمد بن نايف مو مشارك بس حضر مع وفد قوات الرياض المهم مالكم بالطويله وعزمناه للعشاء وجايب واحد من اقاربه في الحرس الملكي في اللواء الخاص حماية مواكب يحكي قصته لما كان عاطل جلس 5 سنيين عاطل ولعبت فيه النفسيه وماقبلوه في اي قطاع يقول والله فكرت انتحر ابوي ذبحني انت داشر انت مامنك فايده بس تاكل وتشرب وتنام البهايم احسن منك ... المهم يقول والله فكرت انتحر لو ماقبلوني هذي المره وهيه بالنسبه له الفرصه الاخيره قدم ع الحرس الملكي
وهوه حاس انهم ماراح يقبلونه كالعاده زي القطاعات الثانيه بس سبحان الله دقو عليه يوم من الايام يوم الاثنين الساعه 11 الصباح وقالو له تحضر ع الرياض ضروري يوم الاربعاء واذا ماحضرت بيشوفون غيرك
يقول والله قمت ابكي من الفرح لاني فقد الامل
بس صقر قال كلمه اثرت فيني من جد يقول كثرة الحرص مايعجّل رزقك
يعني مهما حرصت رزقك مكتوب من قبل ماتخلق مادام فعلت السبب خل الباقي لمسبب الاسباب
انا وغيري كثير لو ماقبلتني المكافحه مدري وش بيصير فيني والله لنجلط من جد ياعمي سنه وانا اعطي نفسي امل لبكره وراح عمري وانا انتظر ياليت انقبلت في قطاع ثاني وربي لسحب عليهم بس الحمد لله ع كل حال
لكن ع ماسمعت من اكثر من شخص انو العدد كبير واغلب المقبولين ثانويه والله كريم
اللي علينا ياشباب سويناه ومالنا غير الصبر
نصبّر بعض لين الله يفرجها