اذا ماخانتني ذاكرتي هذا الوزير العثيمين
الشيء اللي يغص في القلب انهم يقولون عنا اغلى فئه ولما تجي قرارات او زيادات او مكرمات احنا منسيين كليا
مع ان احنا احوج الناس مانشتقل وكل اعانتنا 800 ريال واهلنا كلهم تركونا اللي تزوج واللي سلك طريقه في الدنيا
يعني شبيضر دوله غنيه مثل بلدنا الله يزيدها من خيره لو عاملت المعاقين مثل الموظفين الحكوميين وعطتهم رواتب مو اعانات ماتقل عن 3000 ريال !!
واهم شيء كلمه اعانه تتغير وتصير مرتب لانها والله تغص في القلب خاصه
بعد كلمه الوزير اللي قالها
الغريب ان العاطلين وهم بصحتهم يأخذون 2000 ريال !! واليتامى 5000 ريال !! ماحسدهم لكن احنا محتاجين اكثر منهم , العاطل ممكن يلقى عمل
واليتيم يكبر والمستقبل قدامه ,لكن احنا معاقين وبنظل معاقين واللي حوالينا مو ظلين لنا طول العمر , مصيرنا نعيش لحالنا ويمكن نموت ماحد داري عنا.
انا معاقه ماشتقل وبشكل عام غير اعاقتي صحتي ماتسمح على طول اتعب, اعانتي 800 ريال شبسوي فيها ؟!
بأكل وشرب فيها ؟
بسدد فواتير فيها ؟
علاج وادويه ؟
كسوه ولبس ؟<< ثياب داخليه للعيد ماعندي وماعيدت غير في بجامه ام 35 ريال اللي تخترب وتنشق بعد اول غسله .
محتاجه خدامه وماقدر اجيبها لان راتبها اعلى من اعانتي <<< اضحك او ابكي مادري والله
نص اعانتي رايحه على السواق لان اخواني متزوجين وماحد يجيبني ويوديني والحمدلله اختي تحط معي نص الراتب .
خربات السياره او خربات واعطال البيت !!
والاسعار ماترحم
بالله عليكم 800 شتسوي فينا والله حرام
حلمي القوانين التعسفيه اللي تجبر المعاق على تحديث والفحص كل سنتين تنتهي
يعني اعانه 800 بس وذلينا ومبهدلين عليها ومتحسفينها علينا ليش كذا والله حرام بالله عليكم شفتوا معاق طاب وشفى من اعاقته !!
وحتى لو بيعالج راح يعالج بـ 800 ريال فقط علشان يطيب
!!!!
والمساكين اللي اصيبوا بالاعاقه فوق الاربعين ليش ماتمشي لهم اعانه !! ليش هم مو محتاجين مثلنا ويمكن اكثر منا لانهم كبار في السن !!
انا حلمي صوتي يوصل لبوي عبدالله طول الله عمره من غير ماتمنع وصوله البطانه الفاسده اللي ماتخاف الله
والله يابوي حالتنا تبكي والفقر هلكنا ضمنا تحت جناحك وقلنا لاتخافون
قول لنا مدام انا موجود من بعد الله ماراح تحتاجون احد او تدينون من احد
او تنذلون لاحد القريب منهم قبل البعيد<<< ادري قاعده احلم صوتي يوصل للملك بس الايمان بالله كبير