المشاركة الأصلية كتبت بواسطة ام جوجو وننو

السلام عليكم
اخوي هارديسك الله يسعدك رد علي باسرع وقت انا ساكنه باقصي الشمال الرياض وجا تعييني باقصي الغرب باشرت وصرت مراقبه وماشي الحال اليوم جتني الموجهه قالت بما ان معك حاسب بوديك انتداب لابتدايي وتصيرين مدخله بيانات الابتدايي للاسف جنب مدرستي يعني كله بعيد قالت لي بتطلعين بدري عشانك منتدبه ولك نص ساعه تاخير الصباح ومالك مناوبه وبتاخذين خبره بالحاسب الالي <قلت لها عطيني مهله افكر وهل بتصرفون لي بدل للحاسب قالت مديرتك الجديده هي المسووله<المدرسه اللي بينتدبوني لها متهالكه وكمبيوتراتها مو مره ومابعد جتها مديره جديده
يعني مدري عن ادارتها وش بتصير عطتني مهله افكر يوم ومو عارفه وش نصيحتك لي لاني في حيره لا يعلمها الا الله اذا صرت علي الكمبيوتر برتاح من البنات ومطاردهم بس خايفه ان الشغل اسوا من اللي ببالي انصحني اخوي هارديسك ويابنات وش رايكم ماعندي مهله الا يوم