بسم الله الرحمن الرحيم
أخواني أخواتي
بأتكلم هنا بشكل سريع عن مراحل التوظيف في مستشفيات الحرس
الوطني ,, آسف لو شفتو أخطاء إملائية لأني بكتب على عجاله ..
* الخطوة الأولى للتقديم و تكون عن طريق موقع الحرس
في مرحلة بناء السيرة الذاتية على الموقع اكتب كل شي عندك كل
دورة كل شهادة كل شي اكتبه لاتترك شي يكون سبب في توظيفك
وبعد ماتخلص بناء السيرة الذاتية على الموقع بيعطيك رقم يبدأ بالحرف C .
جهز سيرة ذاتية على خارجية باللغة الإنجليزية اكتب فيها كل شي عن
نفسك هواياتك شهاداتك خبراتك وووو وارسها على [Cric@ngha.med.sa]
أو [PMBAH@ngha.med.sa] مع الرقم اللي اعطوك اياه واللي يبدأ بالحرف C .
هنا انت تنتظر إتصال أو رسالة نصية منهم لإختبار اللغة الأنجليزية .
* الخطوة الثانية وهي الإختبار .. بعد الاتصال بيخيروك بمكان الإختبار ولما
تروح بتختبر اختبار ابو 10 اسئلة واذا تجاوزته بتختبر الإختبار ابو 100 وبعدها
مقابلة بسيطة مع موظف الموارد البشرية ومطابقة أوراقك مبدئياً.
* الخطوة الثالثة تنتظر اتصال لعمل مقابلة مبدئية ومن ثم مقابلة نهائية ..
أنا سارت لي مقابلة وحده بس يعني مو شرط تكون مقابلتين وكذا ..
المهم المهم المهم اتصلو اتصلو اتصلو لاتتركو اسبوع يمر بدون ماتتصلو ..
ادري مايردو لكن حاولو بالساعات مو خسرانين شي والله الاتصالات هذي
تحسسهم انك مهتم وتبغى الوظيفة..
ادري الرد يكون صعب لكن والله يا جماعه تخيلو فيصل العتيبي وعبدالعزيز العقيل
جزاهم الله الف خير لحالهم المسئولين لتوظيف المدينة شوفو كم عدد الاتصالات
وكم عدد المعاملات وكم المتقدمين المقبولين والمرشحين يعني معذورين والله بالضغط اللي يجيهم ..
* الخطوة الرابعة المقابلة بتكون مع موظف الموارد البشرية مع مديرك و مدراء
آخرين اول شي تتكلم عن نفسك بالانجليزي ..
- أهم شي في المقابلات الثقة في النفس ولازم الكل يراعي هذي الأشياء :
1- نظراتك : لازم تكون مركزة على عيون اللي يسألك لأن تشتيت النظر
معناها انك قاعد تخرش عليهم وهذا في الطب النفسي.
2- لاتتوتر : لاتلعب بأصابعك لا تمسك قلم وتلعب فيه لاتمسك منديل .
3- ارفع صوتك : اول ماتدخل القي السلام بصوت واضح ومسموع وعرف
بنفسك واجلس , جاوب على الأسئلة بصوت واضح ومرتفع , الصوت العالي
يعطيك ثقة في نفسك ويحسسهم بثقتك أكثر.
4- طريقة جوابك على الأسئلة : قبل كل إجابة وقبل ماتقول شي عد في
نفسك للعشرة وبعدها تكلم رتب كلامك ، لاتتفلسف ابدا ، لاتقول شي
ماتعرف تشرحه لو سألوك عنه ، جاوب قدر السؤال فقط .
5- النهاية : قوم وسلم عليهم واشكرهم لوقتهم ومن الكلام هذا .
بعد ماتجتاز المقابلة بنجاح سيتم الاتصال بك ، واذا شفتهم تأخرو اتصلو
وكررو الاتصال فجرو تلفوناتهم الين يردو.
* الخطوة الخامسة الكشف الطبي : اذا تم الاتصال فيك للكشف الطبي
فإنت بإذن الله مقبول وتبقى لك تجاوز الكشف الطبي واللي لازم تكون صايم
عن الأكل فقط قبله بــ 12 ساعه وتقدرو تشربو مويه لأن الصيام فقط لمعرفة
نسبة السكريات والدهون بالجسم ويكون الكشف كالتالي :
- كشف الوزن والطول والضغط والسكر ونبضات القلب
- كشف العيون والأسنان
- سحب ثلاث أنابيب دم صغيرة
- إختبار الدرن وهو إبرة تحت الجلد تراجعهم بعد ثلاث ايام لمعرفة النتيجة
طبعا ممنوع الحكة مكان الابرة عشان يشوفو كيف حساسيتك ضد المصل
- كشف سريري
- تطعيم ضد الحمى الشوكية + الوباء الكبدي
* الخطوة الأخيرة يتم الاتصال فيك وتباشر اول 3 شهور بالرياض ولو موظف
تقدم استقالتك وتروح بعد شهر وبالنسبة لفترة التدريب بالرياض منت مسئول
عن شيء لكن اسأل استفسر ممكن لما ترجع المدينة ماتلاقي احد تسأله
فحاولو تجمعو اكبر عدد من المعلومات .. اكتب اي شي .. لاتتردد بالسؤال ..
ولاتستحي بطلب المساعده .
في المهاية كل التخصصات مطلوبة قدم بأي تخصص مو شرط تشتغل بتخصصك
صدقني متى ماتوفرت عندك اللغة بتكون مرشح وخصوصا ان العدد اللي
يبغونه كبير جداً..
لا تيأس من تأخير الاجراءات هي غالباً تأخذ من 8 اشهر الى ما شاء الله ..
انا اخذت مني 10 اشهر والحمد لله مشي الحال ..
نصيحتي للكل اتصل اتصل اتصل لاتيأس ولاتمل من الاتصال ابداً ..
أرقام الإتصال [018011111]
تحويلة
فيصل العتيبي [13080]
عبدالعزيز العقيل [12125]
بالتوفيق للجميع ،،،