في مثل يقول ~ واثق الخطى يمشي ملكا جوالي ولله الحمد والمنة نظيف برىء كله ألعاب واغلب جمهوره الاطفال واخواني المستظرفين المهم انا جهازي سبيل لاهل البيت يعني اللي معدي يفتحه ويطقطق فيه ويحذفه في مكان انا مادري عنه فين واسكت غير ادوره باتصال من جهاز الوالدة ! يعني هو عادي مافيها شىء لانهم يوم يمسكونه يلعبون مو يفتشون ! في فرق ! بس عيبهم مايهتموا ولايردوه في مكانه وانا دا الشىء اللي مضايقني من اخواني لامسكوا جوالي مدري فين يحطونه فشىء طبيعي ان البنت تتضايق الاولاد مهملين حتى وهم كبار مايحافظوا علىء شىء ! وكمان نقطة مهمة انا اخجل يوم يمسكوه اخاف وحده من صحباتي الفايهات تفتح لي هرجة بنات خاصة و مالها داعي ! ويصادف يقراها واحد من اخواني ودايم يقولي فلانه تر أرسلتلك ! تعرف في الايفون يبان ايش مكتوب فوق حتى لو مافتحها ! مع ان اخواني واثقين ولله الحمد فيا لدرجة انا عندي فضوول قوي افتشهم هههههه بس سبحان الله في شىء مضايقني من زمااان واستغرب منه ! وجابكم الله عشان تجاوبوني بالطيب بالغصب تعلموني ههههه مستغربة من شغله ليه الاولاد جوالاتهم بقفل ورمز وحالة وحوسة وحتى يوم بشوف شىء مايخلوني امسكه اتفرج من بعيد اما انا جوالي في يدين الكل حتى بنت جارتنا الصغيرة تلعب فيه ! حتى احنا بنفتش ونشوف ! ولا الاولاد مو زي البنات معصومين من الخطأ !