والله انا اشوف الشعب غير مؤهل وسامحني على الكلمة انا ما ابغى احطم
بس الموضوع ما هو بس نهتم بالفكرة ايضا البيئة مهمة مهمة
بعطيك مثال
في امريكا وكندا الجامعات مرتبطة بالشركات يعني مثلا شركة جنرال موتورز محتاجة تعرف اداء محرك عند درجة حرارة معينة تعطي ميزانية لجامعة وتخليهم يعملوا بحث عليها وتاخد النتايج بعدين
طبعا اغلب الشركات هناك كدا
تعطي احيانا ميزانية مفتوحة للبعض الجامعات وتعطيهم الفكرة اللي يتم حولها البحث
طبعا انا انتم حتقولوا ايش دخل؟
شوف هما وين وصلوا من ناحية الثقافة احنا لسة مرررة بعيد عشان جامعة او شركة هنا تتبنى فكرة معينة
انا من الناس اللي يشوف انو نبدا بتطوير المجتمع
من خلال تكثير المعاهد وسهولة الحصول على
شهادات بحيث ان كل شخص في المجتمع يكون فاهم في الكمبيوتر وفاهم في الانجليزي
انا كان في بالي فكرة اول على معهد كبير يدرس جافا وكل لغات البرمجة وتطوير المواقع ويكون السعر في متناول الجميع