السلام عليك ورحمة الله وبركاته

الله يوفقك ويرزقك من اوسع ابوابه اخوي

ادري ان محتوى موضوعك يبحث عن شريك او صاحب خبره بالموضوع

لكن النصيحه ببلاش وواجبه وانا بعطيك رايي وانت اعرف لمصلحتك

انت شايف زحمة المطاعم واقصد بزحمتها كثرتها بكل مكان

والشي الثاني العماله الي تحتاجها ب المطعم

والشي الثالث مساحة المطعم لازم تكون كبيره

والشي الرابع تجهيزات المطعم تكلفتها كبيره

والشي الرابع اجار المحل بالمدينه اذا كان على طريق عام

هذي امور لازم تحسب عليها وتحسب عليها صح

الشي الي لازم تنتبه له بعد

انا كزبون ليه اتجاوز مطعم واروح لثاني.؟

اكيد لانه يقدم شي مختلف

انت الان هل عندك شي مختلف عن المطاعم بالمنطقه الي حولك

تأهلك تجذب الزبائن.؟

حتى لو تجاوزنا جميع هذي الامور انت يجب تكون عارف كم دخلك وكم بتدفع

واكيد حاسب بعد كم راح يتم استرجاع راس المال والبدء بحصد الارباح

انا اتوقع بوجهة نظري البسيطه جداً اقل شي بعد 5 سنوات راح تسترجع راس المال

هذي بوجهة نظري الشخصيه خساره لانك تجمد مبلغ كبير مدة 5 سنوات بدون ارباح مضمونه

وكان بلامكان الاستفاده من المبلغ بمشاريع دورت راس المال فيها سريعه وربحها كبير ومن اول سنه

اعطيك مثال لمشروع بسيط جداً

اكيد تعرف ناس كثير سواء زملاء عمل او غيرهم محتاجين سيوله بسيطه مثال 10 الاف ريال

تقوم انت بتقسيط بطاقات سواء او ادوات كهربائيه او جولات قيمتها عشر الاف ب مبلغ 15 الف

وقسط شهري قدره 1000 ريال

افترضنا انك قسطت 10 اشخاص بيكون المبلغ المدفوع 100 الف ريال

والاشخاص ال10 اخذت فائده على الواحد 5 الاف ريال

بتكون الارباح 50 الف ريال

دورت راس المال بتكون 10 شهور

والفائده تكون بعد 15 شهر

النتيجه ان الـ100 الف ريال خلال 15 شهر جابت فائده 50 الف

طبعاً مشكلة المشروع هذا بكيفية ضمان حقك لكن مثل ما سمعت ان الراجحي يضمن لك الاستقطاع ما افتي بشي لكن تقدر تتاكد من تفاصيل المشروع من اصحاب الخبره


يوجد مشاريع ثانيه كثيره لو فقط تاخذ وقتك بالتفكير واختيار مشروع مميز ومكان خصب

بمعنا اختيار مكان ينجح فيه المشروع


انا لو معي مبلغ 200 الف كنت بفكر بفتح مجموعة محلات صغيره مثال

فتح 4 محلات (ملحمه) تكاليف المشروع بسيطه جداً وما تتجاوز بالكثير 30 الف ريال بالكثير

120 تكلفة 4 محلات ملحمه لو كل ملحمه تدخل لي شهرياً ربح صافي 2000 ريال

بيكون دخلي بالشهر 8000 ريال وبالسنه 96000 ريال بمعنا انه خلال 15 شهر يرجع راس المال

وتكون الارباح صافي بالحساب هذي طبعاً افكار احتمال تكون خاطئه قرائتي لها

لكن القضيه هي انه يجب ان الواحد يفكر بالمشروع بشكل دقيق

يفكر اهم شي بمستقبل المشروع هل هو مشروع قابل لتوسع او الربح منه بيكون موازي للمدفوع فيه

بعد التوكل على الله يجب ان الواحد يراعي اشياء مهمه بالمشاريع عشان يتوفق

والله سبحانه وتعال هو الرازق واهم شي الواحد يتوكل على الله وبأذن الله تتسهل الامور

انا حبيت اقدم نصيحتي لوجه الله


دعواتكم لي بالتوفيق وتسهيل جميع اموري والقى وظيفه

والله يوفقك اخوي والجميع