وعليكم السلام ورحمة الله وبركاته اخوي الغالي يجب أن يكون شعارك عند الذهاب للمقابله ســآ نجح في المقابله وراح اتوظف في سابك وراح اوصل اعلى المراكز في الشركه . بعدين الله يسلمك تركت كل الاشياء الإيجابيه المطروحه في النت عن المقابلات الشخصيه وركزت على جانب التوتر فقط وهذا الي راح يزيد التوتر عندك..!! بينما كان من الاولى انك تركز على: "أسباب تحقيق الثقه في النفس" اخي العزيز ست وستون ضع في بالك زين اذا فكرت في التوتر راح تتوتر..!! و ليــــــــه تتوتر؟؟!! وانت بالنهايه راح تقابل بشر مثلك تعلموا واجتهدو ووصلوا للمكان هذا وبإذن الله في يوم من الإيام راح تكون مكانهم وراح توصل اعلى المركز في الشركه بإذن الله . نصحيه اخ ومجرب لاتفكرفي التوتر نهائياً واحرص على الاهم من وجهة نظري عند الذهاب للمقابله: الحظور المبكر للمقابله. الاهتمام في المظهر العام مهم جداً يعني اكشخ وتعطر وحلق والبس الله يكرمك جزمه خلك تقل معرس . بعد ماتدخل عليهم القى تحية الإسلام السلام عليكم ورحمة الله وبركاته سلم على كل شخص قدامك واجلس في الكرسي في البدايه راح يطلبون منك التعريف بنفسك؟ الاسم العمر من وين متخرج من اي منطقه معلومات بسيطه جداً. بعدين راح يطرحون عليك بعض الاسئله الخفيفه يمكن تكون عن الشركه احرص على جمع بعض المعلومات المهمه عن الشركه . ويمكن ما يطرحون عليك ولا سؤال ويقلبونه معك سواليف وكثير تصير يبون يشوفون طريقتك في الكلام ليس الا..!! إذا حاول احد استفزازك او شيء عادي لاتحط في بالك يمكن وانت تتكلم واحد يضحك ..!! يمكن يدق من الجوال وانت تتكلم .!! يبي يشوف ردة فعلك وصارت معي في مقابله وظيفيه قبل كم اسبوع .. قالي قم القي علينا كلمه قلت ابشر ما طلبت شيء لو تبي مليون كلمه !!! قمت واقول بسم الله الرحمن الرحيم والله والرجال يطلع جواله ويكلم وانا اتكلم طبعا انا عادي استمريت والله وما كان احد عندي متحمس في القى الكلمه بغيت اصيح من التحمس .. هو وش اسمه صحت شوي بعدين قالي احسنت الله يوفقك وطلعت وابشرك اقبلوني <كله من الصيحه وعندي مقابله ثانيه للماستر بإذن الله في الفصل الثاني. خلك إيجابي مع نفسك واثق و بإذن الله راح يقبلونك و بعد ما يقبلونك في سابك خل في بالك زين الشركات تبحث عن الشخص المنتج يعني خلك شغيل اهتم في الحظور المبكر احرص على التعامل الطيب مع الموظفين إذا كلفوك بشيء خارج نطق عملك لاتقول( لا) اقبل اي شيء في البدايات لانهم من الممكن انهم يستقصدون الشيء هذا يبون يشوفونك مدى صبرك وقوة تحملك لضغط العمل وعلى ما يقولون (العبره في النهايه) كم سنه وتصير انت الي تكلفهم الله يوفقك يارب ويسهل امورك وعلى البركه الوظيفه مقدماً