مساء الخير
مازلت بانتظار ارائكم ومقترحاتكم وهالفكره وهالخطه وضعتها من عندي لاني بعرف كثير من الشباب والصبايا ماعندهم قدره ماليه لبدء مشروع بس طريقتي هذي صدقوني راح تجيبلكم راس مال محترم تبداون فيه مشروع صغير وبعدين يتطور ومافي شي يجي بالسهوله واللين والراحه لازم نتعب شوي مو نقعد بالانترنت فقط وجنبنا كاسه شاي وندور وظايف بمنتديات وبمواقع ونضيع 5 ساعات على الفاضي ومحد كسبان منها غير شركه الاتصالات فلو كل شخص خصص ربع ساعه بس بالخمس ساعات هذي وراح للشركات وعرض فكره انه يكون وسيط لهم ويحقق طلباتهم من الهدايا الدعائيه وغيرها من اللي يحتاجونه لو طلع بس بعقد واحد بالشهر واخذ عمولته صدقوني راح يستمر ويجني ثمار تعبه وجهده لكن لو قلنا لاغلب الشباب تعال ارتززز وبشك على الدش عشرين ساعه مابيكون عنده مانع لكن نقوله خصص ربع ساعه باليوم او ساعه بالكثير عشان تشوف كيف تجيب عقد وعموله لك يستكثرها ويصعبها ..
انا من باب الاخوه فقط ويعلم الله من باب محبتي لكم لاني ابيكم تستفيدون ونستفيد مع بعض مو عيب نساعد بعض بشتى الطرق بس العيب نشوف عاطلين وعاطلات عن العمل ونقولهم الله يوفقكم وبس بدون مانوجه وننصح ونساعد بعض ولازم نحب الخير لبعض لانك زي ماتفكر تساعد غيرك راح تلاقي مين يساعدك بمكان اخر وبطريقه اخرى بوقت انت تحتاج فيه للمساعده والكل بالله..
تمنياتي لكم بالتوفيق ..وأنصحكم بالصلاة والصدقه..لها اثر كبير لقضاء الحوائج وفك الكرب والهموم...
اعتذر للاطالة..تحملوني
دمتم بود
اخوكم احمد عبدالله..