اقتباس:
المشاركة الأصلية كتبت بواسطة طموحه بس عاطله
حبيبتي
هذا الدنيا الارزاق موزعه على البشر قبل ماننخلق
لاتزعلين خيرها في غيرها
خلي ايمانك بالله كبير
لو فيلك رزق مااحد بياخذه غيرك 
هذا حال بلدنا كل شي بواسطه .... لكن الجنه مافيها واسطه 
لاتوقفين مكتوفة اليدين .. طوري من نفسك من خلال الدورات .. اي دوره تحصل لك اخذيها .. تراها تساعد 
الله يقول اسعى ياعبدي وانا اسعى معاك ..
وخليك كووووووووووووووووووول  طنش تعش تنتعش |
جزاكي الله خير ياقلبي على الكلام الطيب اللي قلتيه لي.....
وللاسف ماالله عطاني ولي امر كريم ......الله يهديه...
للاسف مايبي يصرف علي لافي دورات ولاحتى غيره ....ولايبي يوصل ولا يجيب سواق....
والله اني مريضة وابي اتعالج ...وخاطري ادرس واتعلم واكمل تعليمي.....واجيب كل شي احتاجه انا وعيالي.......والله البيت ناقصته اشياء كثيرة ومااسمع منه غير كلمة بعدين....
.وانا وحدة ابوي متوفي ولالي اخوان ....والله العظيم اني مااكذب.......
والله احتري الوظيفة بفارغ الصبر لانها هي اللي بتخليني ان شاالله اقضي حاجتي واشوف مصالحي......
ولي انتظرالوظيفة الحين 13سنة.... كبروا عيالي وياكثر طلباتهم والله يعين على الجاي...
.احيانا ودي ادخل الغرفة واقوم اقطع شهادتي اللي ماني قادرة استفيد منها ...احيانا احس انها اكبر مقلب اكلته في حياتي .....كانوا يقولون لنا ادخلوا ومية بالمية كلكم راح تتوظفوا....
.صحيح اغلب صديقاتي توظفوا والله يزيدهم من نعيمة.....بس بقيت انا....والله العالم وش الخيرة؟؟؟؟والمشكلة اغلب الاماكن اللي اروح لها يقولون لي هذي الشهادة مافيه وظايف لها ابدا وحتى لوانزلت بعد كم سنة مايتوظف الا 1 او 2 .....
تركت الدراسة بالجامعة والتحقت بهالدورة رغبةالملحة بالوظيفة وعسى الله مايخليني انتظر اكثر......
وحتى وانا ادور على وظيفة مو هو اللي يوديني...اختي تجي احيانا هي وزوجها وياخذوني عشان ادور وللاسف الخاص زيادة شقا والراتب يادوب حق مواصلات ومصروف فطور ...ومايغطي حق ملابس او غرض تجيبينه للبيت.....
والله ماتدرين لو توظفت وانفتح لي باب رزق وشلون ان شاالله راح تتغير حياتي للاحسن....
يصير لو بغى يطلقني للمرة الثالثة يمكن ماعاد اخاف اضيع ويضيعون عيالي....
تعرفين لو توظفت اول شي بحرص على البيت الحلال اجمع له عشان نرتاح من الحل والترحال ونستقر......
لكن الله ييسر كل عسير ويكتب الخير وين ماكان ويرضينا فيه......
فيه مرة من المرات نزلت وظايف بالديوان-من يجي كذا 10 سنين- ماقبلوني ...تدرين ليش؟؟؟؟عشان انا خريجة الرياض وقدمت على الدمام.....وبكذا صارت الاولوية لغيري....
دعواتكم ياخواتي الله يجزاكم خير....
اعرف اني طولت لكن اعذريني من الهم اللي فيني......