شوفي اختي ياسمين
الحقيقه يوجد معمل بسيط للعطور وقيمته 4000 ريال والمعمل له برنامج ويصلح للنساء لان المعمل راح يكون في المنزل
اول شي تختارين العلب الي على ذوقك وتكون درزنها بشكل واحد وبأمكانك تنوعين العلب الي تبين وطبعا العلب مقاسات ويبدى من 30 مل الى 100مل وكل حجم يختلف سعره فمثلا 50مل بــ60ريال للدرزن
والشي الثاني تحتاجين علب بالروائح الغربيه والشرقيه وقيمة الكيلوا 260 ريال
وتحتاجين لمادة الكحول العطريه لتذويب العطر داخل العلبه ليتحول من الزيت العطري الى علبة بخاخ
وتحتاجين لمادة الثري وهذي الماده تخلي العطر يثبت من مدة يومين الى ثلاث ايام
وتحتاجين لمادة فرنسيه عطريه وشغل الماده هذي تخلي العطر فواح جدا
وطبعا الكيلوا الواحد يطلع لك 71علبه من مقاس 30مل و25علبه من مقاس 100مل
وقيمة العلبه الي مقاس 30مل 17ريال وهذا يعتبر رخيص لعطر يثبت ثلاث ايام او يومين على اقل تقدير وريحته فواحه جدا وقيمة الي مقاس 100مل تبيعينه من 60 ريال الى 65 ريال وطبعا العطر يثبت وفواح جدا

والشي الافضل من ذلك انه لو تسوين خلطه عطر مميزه ما يعرف سرها الا انتي مثلا راح تكسبين ذهب من وراها
وعلى فكره انا كان عندي محل عطور زماااان وسويت خلطات عطور رهيبه وسوقتها بمحلي وخارج محلي
وتصدقين يجوني ناس من قطر عشان الخلطه الي سويتها
وجاني منها ولله الحمد مبلغ 100000الف ريال
واسم الخلطه اليزيد وفيه خلطه ثانيه سميتها نايف وعطر اخر سميته دلع حائل
وعلى فكره انا من حائل
المهم الناس يبغون المميز
والشي الاهم طريقة التسويق واليك الخطه
تروحين لاحد الموبليا (نجار) وتقولين ابغى استاند مقاس 70سم في 70سم ويكون مربع وعليه قطعه بلاكشه خارجه لفوق عشان تكتبين عليه اسم معملك فمثلا تكتبين الياسمين للعطور الفرنسيه او المميزه او اي شعار انتي تحبيه وعلى فكره قيمة الاستاند ما يتعدى 60 ال70 ريال للواحد
وتخلين داخل الاستاند فتحات عشان كل فتحه له عطر غير العطر الي جنبه وهكذا
وتفصلين مثلا 20 استاند او 15
وتروحين انتي او احد تثقين فيه للمحلات الكبيره او المحطات او داخل الاسواق المركزيه
واذا كنتي في المدينه روحي للميقات لاهل الكشوك الصغيره وان شاءالله يقبلوا يشتغلوا معاكي
وخاصه اذا بعتيهم بسعر رخيص لان سعر الي بمقاس 30 مل ينباع 25 ريال بالسوق
وابو 100 ملي ينباع 80ريال
ويمكن يصير انتاجك معروف وترفعين السعر بعدين بس اثبتي وجودك بالسوق وان شاءالله الله بيوفقك
وعلى فكره الاستاند بيشيل 50 عطر مشكله واذا فصلتي 15 استاند في 50 عطر في 17 ريال راح يكون دخلك الشهري بأذن الله 12750ريال اثنا عشر الف وسبع مائه وخمسووووووون ريال بأذن الله وكل ما زدتي كل كا كان افضل
واذ كان على الخلطات انا ممكن اساعدك بشرح الطريق واي استفسار انا مستعد
وأسالله ان يوفقك لمى يحبه ويرضاه وان يغنيك من حلاله عن حرامه