اذا ماقبلتي على وظايفهم حتى لو ماتناسبك معناته انك مو جاده بالعمل وراح يقطعون عنك حافز
وهذا الي صار معي حتى الي عندها ظروف وماتقدر مايقدرونها حاولت اقنع الموظفه اني ماابي الا مدارس وعطتني مدرسه بعيده ومشوار ماعندي مواصلات قلت مااقدر قالت اجل روحي قدمي بالمدارس القريبه منكم وبروح لهم ان شاءالله وعطتني وظيفه في مستشفى الي هي منسقة مواعيد والدوام شفتات قلت الدوام مو حلووو مو مناسب لي قالت اذا رفضتي بنقطع عنك حافز قلت مابقى الا شهرين قالت بمكالمه مني يمكن يقطعونه لك من بكره يعني تهددني قلت لها عندي ولدي صغير انا ابي دوام صباح عشان اقدر ارجع واتفرغ لولدي المهم قبلت على الوظيفه عشان اسكتها وعطتني موعد دوره يوم الثلاثاء الجاي قالت لي اذا توظفتي لاتجين الدوره قلت اوك
والزمتني اني اروح المدارس الي عندي عشان اقدم قلت المفروض انتم توظفوني قالت انتم المفروض ماتجلسون وتبحثون عن العمل قلت انا ماخليت مكان مارحته بس ربي ماكتب وانا الصراحه ادور الوظيفه الي تناسبني وعرضت علي اكون مشرفة بائعات بس رفضت
انا بقالي شهرين ويخلص حافز اذا ماعجبني وضعهم سحبت عليهم ماني ملزومه فيهم
والي تسال عن طاقات في الرياض النسائي موقعه بالعثيم مول في الدور الاول البوابه الاولى
احس اني كرهت الوظيفه والتوظيف من كثر ماهددتني يعني وظايف انا مااخترتها ومو مناسبه لي ماابيها مو غصب
الله يوفق الجميع ويغنينا عن حافز ياارب