المشاركة الأصلية كتبت بواسطة متعجب

لا تقارن السعودي بالمواطن الخليجي " و ليه يالغالي ما أقارن وش المشكلة " !!؟؟؟
السعودية مساحتها كبيره جدا وعدد المواطنين فيها أضعاف أضعاف دول الخليج " صحيح كلامك و كذلك ميزانيتها تكفي السعودية و دول الخليج قاطبة " ماشاء الله تبارك الله
الشي الثاني وش عند دول الخليج ؟؟؟ "عندهم نفط مثلنا و هم مسلمين مثلنا و طبعهم طبعنا مثلهم مثل كل إخواننا المسلمين في كل مكان و عندهم مثل ما عندنا سواء من حسنات أو عيوب و لكن لو تبي الحق عندهم إهتمام أكثر منا سواء بالمواطن أو المرافق العامة و النظرة البعيدة للمستقبل "
فتحوا دولهم للمراقص والخمور كله عشان يستثمرون الاجانب وتصير دولة غنية " و أزيدك من الشعر بيت بعد هم ما يحكمون مثلنا بكتاب الله و سنة نبيه محمد صلى الله عليه و سلم و الحريم يقدرون يمشون بالشارع من دون عباة و .... إلخ .... إلخ بس ودي أنبهك ترى حتى حنا عندنا عيوب و أخطأء و تقصير من بعض المسؤولين هداهم الله والدولة ما قصرت معهم في شيء عطتهم السلطة و المال و النفوذ و مع ذلك فيه رشاوي و فساد إداري "

يا أخي اذا الغنى في المراقص والخمور الله لا يجيبه " حبيبي منو اللي قالك الغنى بالرقص و الخمور ... أخوي حنا في منتدى حلول البطالة و لما نتكلم عن المواطن السعودي و الخليجي قصدنا من هذا ((((( الوظيفة ))))) "

والحمد لله الدولة فيها خير شوووف الاجانب كيف يجيك ما يملك الا ثوبه اللي عليه
وفي كم سنه يصير تاجر وحوالاته للخارج بالملايين << " هذا إنت قلتها بنفسك و السعودي مو لاقي الوظيفة الحكومية أو إنه يقدر يشتري قطعة أرض ... حتى في فرحة اليوم الوطني تلقى العاطلين الباحثين عن العمل يرفعون لافتات المطالبة بالوظيفة "

وبخصوص منع العربيات في الحرم
لازم يطبقون النظام " فلابد إنهم يوفرون مجال للمواطن إنه يقدر يدف عربيات و يعطونه لبس معين أو و وقت معين و تنظيم مثله مثل اي موظف ... عزيزي يكفي إن إنه جاء للحرم لبيت الله يبحث عن الرزق الحلال و الكل من حوله متعجب و مستغرب (((( سعودي و يدف عربية )))) مع العلم إن الشغل مو عيب و مستحيل و من سابع المستحيلات إن إن عربيات رئاسة الحرمين تكفي كل الناس فلابد من دعم هذول المواطنين اللي يبحثون عن الحلال بدل من إنهم يبحثون عن الحرام ... و هذا أكبر دليل إنه من شدة حاجته دف عربيات لأنه مالقى وظيفة و إنه محتاج للمال <<< الله يرزقهم و يوفقهم و يكفيهم عن مد إيديهم للناس و الله لا يحوجهم لأحد إلا لوجهه الكريم
الهدف من منعهم ماهو قطع أرزاق << أجل وش الحل وهم سنين على هالحال
لكن الشغلة ماهي فوضى والحرم لازم يكون منظم ومرتب ((( يارب و يدعمونهم و يوقفون معهم إن شاء الله )))