السلام عليكم
يسعد مساءكم جميعاً
انا خريجة بكالوريس عاطله طبعاً
وحابه يكون عندي مصدر دخل
عشان كذا فكرت استثمر مبلغ هو تحويشة العمر بس طار بعضه طبعاً لأني لحد الاآن مالقيت فكره
ولاتشجيع ولادعم
المهم انا ماحب اشتري اغراض وابيع
فكرت في الاسهم قالو مو مضمونه
سألت في البنك وكأني فهمت اني ادعم مشاريع صغيره حسب مبلغي ولي نسبة
طبعاً ماعجبني احتمال يكون في خساره
فكرت لو استأجر محل صغير للتميس وللعامل نسبة يعني بس اوفر المكان اتوقع مافيه خساره كبيره
بس محد شجعني
اخر فكره اني افتح كشك صغير واجيب مكينة كبتشينو وثلاجة للبارد عصيرات ومويه
ويكون فيها حلويات صنع منزلي
ومعجنات بسيطه كورسان وتوست
يعني شغلات بسيطه عشان مايكون فيها خساره كبيره
او ما استأجر ولاشئ
اشوف لي مكان واتفق مع صاحبه اني اجيب لهم حلا بارد صنع منزلي وهم يبيعوه والربح بيننا يعني مثلاً زي مطاعم البخاري او السوبر او تساعدوني باي فكره وترا انا شفت عامل يشتغل في شقق مفروشه لقريب لي جاب ثلاجه في المدخل وصار يبيع فيها مويه وعصيرات وطبعا مكسبه بسيط لكن ما هو خسران المكان بلاش من دون ايجار
الله يرضى عليكم
ارشدوني
اولاً افضل موقع
الاجراءت من سجل او ترخيص وكيف اجيب عامل واشتري احسن مكاين واخر شي تؤيدوني في فكرتي او لاً
علماً اني من سكان الخبر
والمبلغ حالياً يتراوح 85 الي 100 الف واحتمال يقل لو ما نفذت الفكره بسررعه

وجزاكم الله خير