اللهم صلِّ و سلم و بارك على نبينا و حبيبنا محمد صلى الله عليه و سلم

بأخبرك على قضية صارت في أحد مدن المملكة ... ملخص الحكم و بعض ما جاء فيه

هذا واحد يا طويل العمر و السلامة ... كان وده يتزوج و تقدم لصندوق الجماعة لأن بعض القبائل عندهم ما يسمى بـ " صندوق القبيلة أو الجماعة " ما تهمنا التسمية اللي يهمنا إنه لما تقدم عشان ياخذ فلوس للزواج لقوا إن اسمه مسجل في التأمينات الإجتماعية فرفضوا إنهم يعطونه المبلغ و قدره 75 أو 85 ألف ريال
راح أخذ برنت من التأمينات و عرف منو الشركة اللي سجلته عندها ... فرفع قضية عليهم في المحكمة على أساس إنهم مسجلينه عندهم و في نفس الوقت أنحرم من أعطية الصندوق و فعلاً لما راح للشيخ حلف و أقسم بالله العظيم إنه ما يعرف هالشركة ولا يعرف وين مكانها و بكذا حصل له الضرر فحكم الشيخ بعد كذا جلسة إن الشركة ملزمة بدفع هالمبلغ لهالمواطن و قدره مثل ما خبرتكم 85 أو 75 ألف ريال


ترى أختصرت الكثير من حيثيات القضية هنا و حبيت أخبرك وش تقدر تسوي ... ((((( في حالة إن صابك ضرر لا سمح الله )))))