السلام عليكم

انا مقدم على و ظيفة مساعد اداري مرتبه 8 وعديت لاختبار ولله الحمد

كانت مقابلتي يوم الاثنين الساعه 6 المغرب ولكنهم اتصلو علي وغيروها إلى الساعه 2 ظهرا

طبعا كان باللجنه د . مطلق العتيبي واثنين واحد منهم أ . الدرويش

سلمت عليهم دون مصافحه وخذ الاوراق واحد من الاثنين

اول سؤال سألني الدكتور : ماهي شهادتك .. اجبته بكالوريوس
قالي خريج اي دفعه قلت له ....
قالي من متا شغال مع الشركه قلت له من عام 2005

قالي مشاء الله وإلى الان تقريبا 7 سنوات قلت له نعم اكيد


قالي ايش مسمى الوظيفه قلت له مساعد اداري
وقالي خبرتك موثقه من التأمينات قلت له نعم صحيح وجا الاخ اللي استلم الاوراق يتصفح فيها
وقالي ايش اسم الشركه واجبته

ثم قالي الدكتور ايش كان مسمى الوظيفه ( سالني مره ثانيه ) قلت له مساعد اداري
قالي طبعا كلكم مميزين والمقابله لها نقاط وشرح لي

قلت له الله كريم واللي له نصيب بياخذه
قالي وين مكان الشركه قلت له الرياض وقالي انت من وين قلت له الاحساء
قال اجل مستقر .. قلت له صحيح بس لازم الواحد يطمح للافضل والقرب من الاهل

قالي بالتوفيق وطبعا مشاء الله الدكتور يتكلم بابتسامه مشرقه تخليك كأنه سواليف

وقلت له الخروج من هنا قال اي تفضل ومسكت الباب هههههه