السلام عليكم اخواني
ولد عمي تخرج من الدفعة الأولى من نفس البرنامج اللي مقدمين عليه الآن
بالنسبة لاختبار الأنماط السلوكية فما منه أي خوف إن شا الله
الكلام على المقابلة الشخصية حاولت آخذ منه أكثر تفاصيلها
اللي فهمته من ولد عمي إن بيقابلوك 3 إلى 4 أشخاص
أسئلتهم بتكون غير متوقعة
مثلا متى آخر مره عصبت وليش وكيف تصرفت بالموقف
ممكن يسألوك لو جاتك بنت وكلمتك كيف بتكون ردة فعلك
أو تكلم عن إنجازاتك خلال السنه الماضيه
عموما توقع أي سؤال ممكن يخطر على بالك او ما يخطر على بالك
هدفهم يختبرون ردة فعلك وبرود أعصابك
من المتوقع جدا أسلوبهم معك ونظراتهم لك تكون مثيرة للاستفزاز
المطلوب منك تكون هادئ جدا ومتكلم جيد...نبيه وذكي...أنيق في مظهرك وملتزم بالزي السعودي
انتبه تحط رجل على رجل وانت جالس وحاول ما تشبك أصابعك مع بعض عشان ما تعطي انطباع انك متوتر
وأعيد وأكرر اللباقة بالكلام مهمة جدا وللعلم المقابلة باللغة العربية
ما أبغى أقلقكم إن شا الله سهله أهم شي الالتزام بما سبق
واللي فهمته من ولد عمي إنهم نادر جدا ما يرفضوا أحد بعد المقابلة الشخصية عشان كذا لحد يقلق ويخاف والله يوفقنا جميع
اللي عنده استفسار اكثر لو المعلومه عندي أنا حاضر لكم
تحياتي