السلام عليكم

انا خلصت الكشف الطبي والحمد لله من الاسبوع الي فات بقوى الامن برياض

طبعا اول كان طول ووزن والي يقيس رجال بثوب ويلبس نظاره الي ناقص وزنه يزيده
والي زايد ينقصه صاحبي قدامي وزنه 56 وطوله 177 زوده ل 63 ومشاه
بعد الطول والوزن تسوي اشعه بطن وصدر وظهر

اليوم الثاني / تجي ويجلسونكم ويعطونكم علب صغيره تعبو نصها بول الله يكرمك
بعدها سحب دم وقياس ضغط

اليوم الثالث / يدخلونكم بسيب طويل اول شي يج دكتور الانف والاذن والحنجره كلها سوا يكشف عليك كشف سررريع ما ياخذ دقيقه حتى اذا اذنك فيها شي يقول رح المستوصف نظفها وتعال
بعد الانف والاذن والحنجره ترجع تقعد على كرسيك لين يجي دكتور الاسنان
ولد طيب وابن حلال ما يرد احد الي اسنانه فيها جير او مصفره يقوله نظفها
ما اعتقد احد رسب عنده >> انا كنت خايف من التقويم هع بس الحمد لله قالي تمام

بعد الاسنان ترجع وتجلس على كرسيك لين يجي دكتور الباطنيه
تفصخ فنيلتك وتدخل عليه وما ياخذ دقيقه يحط السماعه على صدرك وظهرك وارجع كرسيك
بعدها دكتور الجراحه وما تاخذ عنده دقيقه بعد وتطلع على عيدداة العيون
طبعا عيادة العيون ما توقعت انها كذا عاد ما ادري اذا كل الي كشفو سوو لهم كذا فاعتقد محد بيرسب
دخلت وفيه الهندي يجلسك وقدامك مرايه ومعه ورقه هو يحطها على عينك عشان ما تضغط عليها
تخيلو اختبار النظر كيف بس سالني عن اول حرفين كبار وحد يمين ووحده يسار وقالي خلاص !!
وعمى الالوان للون واحد كان 29 وقالي خلاص
وطلعت من عندهم والحمد لله تمام التمام

ملاحظه / الاخوان الي مرتبك من كشف الجراحه سعنا هنا كثير الي يقول تفسخ كل ملابسك والي يقول تدخل عليه بسناوي والي يقول تركع وماني عارف ايش
ترا الوضع سهالات تدخل عليه يقولك نزل سروالك لين فوق الركبه يشوف بس من غير لا يلمس ويقولك ارفع خلاص وبعدها يقولك دور يشوف ظهرك بس وخلاص توكل ع الله


بشكل عام الكشف الطبي اسهل اسهل اسهل مما توقعت بكثير والحمد لله
لحد يخااااف منه

تحياتي