الله يعطيكم العافيه جميعا وربي يوفقكم ومشكورين علي ردودكم لي ووقفتكم معاي
ابشركم اليوم رحتلهم ودخلت علي العقيد وكلمته عني وضعي واني مالي اي ذنب
الخطاء مو مني الخطاء من الدكتور وبعد اتضاح الخطاء واعترف الدكتور بخطاء
ارسل معاي عسكري وكيل رقيب ورحنا المستشفي عند الدكتور نفسه
وقالي تعرفني قلتله في احد مايعرفك انت كشفت علي مع الجنه
وربي يضحك وبعدها قالي تعال الغرفه الثانيه وقاس الطول والوزن
يقول طولك 176 ووزنك 71 وواحضر لوحه بعيده عني واختبرة
وقالي ممتاز 5علي 5 مطابق مائه بالمائه وربي هذا كلامه
وقالي اش معاك شهاده قلتله ثانوي بنسبة 83
وبعدها ذهبنا الي القياده انا ووكيل الرقيب
فكلمت وكيل الرقيب مع الطريق ها كيف اش بيصير الحين كل شي مطابق واعترف الدكتور بالخطاء اش بتسوون قالي شف انت روح وحنا بنتصل عليك اوكي وبعد ماوصلنا القياده كلمت العقيد عن السالفه وشاف الطول والوزن والنظر كلها مطابق قالي شف يالحربي احنا بنرسل اورقك الرياض وبنسوي الي علينا واذ جاك شي اوكي واذ ماجاك شي ربي يعوضك ونسبة القبول بعد مايرسل الاورق 2 بالمائه يعني احتمال مايقبولونك لان الناس الحين بالمرحله الثانيه وانت روح وحنا بنتصل عليك

وربي مادري اش بيصر بعد هذا كله لي 3 ايام ارجع فيهم واخر شي يقولك نتصل عليك شكلها تصريفه وربي حاس كذا