اقتباس:
المشاركة الأصلية كتبت بواسطة سامر الصبحي
ياشباب انا جاتني بعثه والحمدالله في كندا لدراسه البكالوربوس وباذن الله راح تجيني الخطوط وش تشوفون ابي رايكم لاني بصراحه مااعرف وش اسوي كلها تغري  |
ألف مبروك أخوي سامر
أنا مبتعث هندسة وكان لي في كندا 3 سنوات قبل ما أقدم على الخطوط وأرجع السعودية
بعثتي ماشية إلى 2015 لكن لظروف ما بقدر أرجع
نصيحتي لك لو حاس إن لك القدرة تركز في دراستك مهما كانت المغريات توكل على الله لكن بشرط تخصص يستاهل التعب أما لو بتوقف على بزنس فالخطوط طريق أقصر للهدف وبنفس الوقت تقدر تدرس عن بعد في الجامعة الالكترونية على سبيل المثال
أما عن البلد بحكم السنوات اللي قضيتها فيها أقولك إيجابياتها إن الشعب مافيه عنصرية ومقاطعة بريتيش كولومبيا بالتحديد حلوه ورايقه وفيها مناظر جباره وجوها معتدل صيف وشتا
سلبياتها أولا الملحقية وتعاملها وتعقيداتها بالإضافة إلى ان الفيزا معقدة وأصعب من الفيزا الأمريكية بمراحل
نظام الجامعات قوي لذلك ما يمشي إلا اللي شاد حيله وعنده لغة ممتازه مثلا أقل درجة آيلتس تقبلها كل جامعات كندا هي 6ونص للبكالوريوس
عموما أنصحك تبدأ في أمريكا لأن احتمال كبير بعد مدة معينة تحول فاختصر على نفسك المشوار من البداية لو توكلت على الله
وإذا تميت أنا حاضر لكل المعلومات خابز البلد وعاجنها بس المجال ما يسمح إني أتكلم بتفصيل زايد
تحياتي