رح لموبايلي.....
قالي واحد من الموظفين بالشركة عندنا ..كان يراجع شركة موبايلي
قبل اسبوع...

ان فية حركة توظيف ..في موبايلي وانة شاف شباب سعوديين يكملون بياناتهم

بناء على معدلك العالي ..وخبراتك وشهاداتك مشاءالله
صدقني راح يقبلونك...
وثاني شي شف مكتب التوظيف ببمكتبة جرير فية عندهم توظيف فترة مسائية لاكن مادري عن الراتب
ومجالات التوظيف...لاكن قد توظفت عندة قبل سنة ..فية فترة مسائية بائع والراتب حوالي 2000 تقريبا
والدوام من 4-الى 11مساء..
وصدقني ان رحت لهم بنفس المكتب راح تحصل وظائف كثيرة



..........
عنوان موبايلي
الرياض....طريق الملك فهد ...بعد تقاطع العروبة...بمسافة نص كيلو تحصلها على اليسار
او مع طريق العليا بعد تقاطع العروبة تحصلها على اليمين....تشوف عمارتين بعد برج المملكة
عليهن شعار موبايلي
....
وبالنسبة لجرير...
تمشي مع طريق العليا ...لين تحصل مكتبة جرير على اليمين اول دخلة بعد المكتبة تاخذ معه يمين..
وبعد ماتدخل الشارع..تاخذ يمين ...تحصل ي=على يمينك باب زجاجي تدخل معه...

ملاحضة حاول قد ماتقدر انك تقابل المسؤلين عن التوظيف...(لاتهمك كلمة راجعنا بعدين او اترك رقم جوالك
وندق علي...)
ادخل ..وعطهم ال سي في واشرح لهم...بعدها مدى احتياجك للوظيفة وانك جاد بالعمل...والخ وصدقني
باذن الله راح تتوظف ..

واخيرا عندك صحيفة الوسيلة....رح لهم واعلن عن مؤلاتك وحط رقمك..
وبينشرونة لك مقابل تقريبا 50 ريال
ممكن تصير سبب بتوظيفك براتب ماكنت تحلم فية((لانهاء صحيفة الناس كثير يطَلعون عليها))


هذا اللي قدرت افيدك فيه
تمنياتي لك بالتوفيق ..
ولاتنسانس من دعائك...